پرەمەر-مينيستر اسقار ءماميننىڭ توراعالىعىمەن وتكەن سەلەكتورلىق ۇكىمەت وتىرىسىندا 2020 جىلعى قاڭتار-ساۋىردەگى الەۋمەتتىك-ەكونوميكالىق دامۋ قورىتىندىسى جانە رەسپۋبليكالىق بيۋدجەتتىڭ اتقارىلۋى قارالدى. ونەركاسىپ سالاسىنىڭ دامۋى تۋرالى يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ باياندادى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
وسى جىلدىڭ قاڭتار-ءساۋىر ايلارىندا وڭدەۋ ونەركاسىبىنىڭ بارلىق سالالارىندا وڭ ديناميكا بايقالۋدا.
تاۋ-كەن ءوندىرىسى سەكتورىندا قۇرامىندا التىن بار كەن ءوندىرۋ كولەمىنىڭ ءوسۋى ەسەبىنەن ءتۇستى كەن ءوندىرۋ 3,4%-عا ۇلعايدى.
تەمىر كەنىن ءوندىرۋدىڭ ءوسۋى وتكىزۋ نارىقتارىن ءداستۇرلى ەلدەردەن قحر نارىعىنا قايتا باعدارلاۋ ەسەبىنەن 15,8% قۇرادى. ەندى جۇك تيەۋ كولەمى ايىنا 700 مىڭ تونناعا دەيىنگى تەمىر كەنى شيكىزاتىن قۇرايتىن بولادى. كومىر مەن ليگنيت ءوندىرۋ كولەمى 102,1% قۇرادى.
وڭدەۋ ونەركاسىبىندە مەتاللۋرگيا, فارماتسەۆتيكا, جەڭىل ونەركاسىپ, ماشينا جاساۋ جانە ت. ب. سالالارى ەسەبىنەن ءوسىم 7% قۇرادى.
قارا مەتاللۋرگيادا نكي 100,1% قۇرادى.
حيميا ونەركاسىبىندە جۇرگىزىلگەن جاڭعىرتۋدان كەيىن وندىرىستىك قۋاتتار دەڭگەيىن تۇراقتاندىرۋ ناتيجەسىندە «قازازوت» اق-دا اممياك سەليتراسىنىڭ ءوندىرىس كولەمىنىڭ 27% جانە اممياك ءوندىرۋ كولەمىنىڭ 171%-عا ۇلعايۋى ەسەبىنەن ءوندىرىس كولەمى 0,3%-عا ءوستى.
ب. اتامقۇلوۆ حابارلاعانداي, ماشيناجاساۋ سالاسىندا ءوندىرىس كولەمى 25,4% ءوستى. اۆتوكولىك قۇرالدارى, ترەيلەرلەر جانە جارتىلاي تىركەمەلەر 59,2%, باسقا ساناتتارعا ەنگىزىلمەگەن ماشينالار مەن جابدىقتار 15,6%, ەلەكتر جابدىقتارى 11,4%, وزگە دە كولىك قۇرالدارىن جاساۋ 103,9%, ماشينالار مەن جابدىقتاردى جوندەۋ جانە ورناتۋ 5,7%, كومپيۋتەرلەر جاساۋ 7,6% ۇلعايدى.
«فارماتسەۆتيكا ونەركاسىبىندە ءوندىرىس كولەمى 24,2%-عا ءوستى. جەڭىل ونەركاسىپتە جالپى ءوندىرىس 13,9% ءوستى. ول توقىما بۇيىمدارى ءوندىرىسىنىڭ 13,4%, بىلعارى جانە وعان جاتاتىن ونىمدەردىڭ 12,4%, كيىم ءوندىرىسىنىڭ 11,3% ۇلعايۋىنا بايلانىستى بولدى», — دەدى يندۋستريا جانە ينفراقۇرىلىمدىق دامۋ ءمينيسترى.
كولىك سالاسى بويىنشا ناقتى كولەم يندەكسى 2020 جىلدىڭ قاڭتار-ءساۋىر ايلارى بويىنشا 89% قۇرادى.
«كوروناۆيرۋس پاندەمياسىنا بايلانىستى قازاقستان رەسپۋبليكاسىنىڭ اۋماعىندا جولاۋشىلار اۆتوبۋس تاسىمالدارى (ونىڭ ىشىندە قالالىق جولاۋشىلار اۆتوبۋس تاسىمالدارى), جولاۋشىلار پوەزدارى, تۇراقتى اۋە قاتىناستارى توقتاتىلدى. كەيبىر كاسىپورىنداردى كارانتينگە جابۋ كولىك پەن لوگيستيكاعا دا اسەر ەتەدى, ويتكەنى جەتكىزۋ كولەمىن جانە تاسىمالداۋعا تاپسىرىستاردى تومەندەتەدى», — دەدى ب. اتامقۇلوۆ.
بۇل رەتتە, قازاقستان ارقىلى كونتەينەرلىك تاسىمالداردىڭ جالپى كولەمى وتكەن جىلدىڭ سايكەس كەزەڭىمەن سالىستىرعاندا 12%-عا ۇلعايدى جانە 211,6 مىڭ جيىرما فۋنتتىق بالامانى قۇرادى.
قۇرىلىس بويىنشا ناقتى كولەم يندەكسى 2020 جىلدىڭ قاڭتار-ءساۋىر ايلارى بويىنشا 105,5% قۇرادى. 13 وڭىردە وڭ ديناميكا بايقالادى. تۇركىستان (128,7%), قاراعاندى (125,5%), اقمولا (118,9%), اتىراۋ (114,7%) جانە باتىس قازاقستان (111,6%) وبلىستارى كوش باسىندا.
تۇرعىن ءۇي قۇرىلىسى بويىنشا 2020 جىلدىڭ قاڭتار-ءساۋىر ايلارىنىڭ قورىتىندىسى بويىنشا 3 112,5 مىڭ شارشى مەتر تۇرعىن ءۇي پايدالانۋعا بەرىلدى. ول 2019 جىلدىڭ سايكەس كەزەڭىمەن سالىستىرعاندا 89,9% قۇرادى.
ۆەدومستۆو باسشىسى اتاپ وتكەندەي, ەلىمىزدە سانيتارلىق-ەپيدەميولوگيالىق شارالاردىڭ ەنگىزىلۋىنە بايلانىستى جەكە جانە كوپپاتەرلى تۇرعىن ۇيلەردى پايدالانۋعا بەرۋ كولەمىنىڭ تومەندەۋى بايقالادى. تۇرعىن ۇيدە پايدالانۋعا بەرۋ كولەمىندە جىلدىق جوسپاردىڭ ورىندالۋى 22,1% قۇرادى.
رەسپۋبليكا بويىنشا بارلىعى 24 884 بىرلىك باسپانا پايدالانۋعا بەرىلدى. تۇرعىن ءۇيدى پايدالانۋعا بەرۋ كولەمىنىڭ ۇلعايۋى وتكەن جىلمەن سالىستىرعاندا رەسپۋبليكانىڭ 10 وڭىردە بايقالادى. تۇرعىن ءۇيدى پايدالانۋعا بەرۋ بويىنشا كوشباسشى وڭىرلەر - الماتى جانە جامبىل وبلىستارى.