كوروناۆيرۋس كەسەلىنىڭ سالدارىنان تۇرعىندار تاراپىنان مەديتسينالىق ماسكالارعا دەگەن سۇرانىستىڭ ارتۋىنا بايلانىستى جامبىل وڭىرىندە اتالعان تاۋارعا دەگەن تاپشىلىق تۋىنداعان بولاتىن. تاراز قالاسىنداعى كوپتەگەن ءدارىحانادان ماسكا تابا الماي ابىگەرگە تۇسكەن حالىق بۇل تۋرالى اقپاراتتى الەۋمەتتىك جەلىلەرگە جازدى دا.
ەندى تۇرعىنداردىڭ مەديتسينالىق ماسكالارعا دەگەن سۇرانىسىن قاناعاتتاندىرۋ, تاپشىلىقتى جويۋ ماقساتىندا وبلىس اكىمدىگى جەرگىلىكتى فارماتسەۆتيكالىق زاۋىتتارمەن بىرلەسىپ ءوندىرىس كولەمىن ۇلعايتۋعا كەلىستى.
وڭىردە مەديتسينالىق ماسكا شىعاراتىن زاۋىت بار. بۇل باعىتتاعى كاسىپورىن ەندى تاۋلىك بويى جۇمىس ىستەمەك. ناتيجەسىندە, تاۋلىگىنە شىعارىلاتىن مەديتسينالىق ماسكالار كولەمى 20 مىڭ دانادان 70 مىڭ داناعا دەيىن ارتتى. ونىڭ ىشىندە 40 مىڭ ماسكا «سك-فارماتسيا» جاۋاپكەرشىلىگى شەكتەۋلى سەرىكتەستىگىنە, ال قالعان 30 مىڭ ماسكا وبلىس اۋماعىنداعى «جاسۇلان» جانە ء«امىر جانە د» ءدارىحانا جەلىلەرىنىڭ 10 پۋنكتىنە كۇن سايىن جەتكىزىلۋدە. اتاپ ايتساق, مەديتسينالىق ماسكا جەتكىزىلگەن 10 پۋنكتتەگى ءدارىحانالاردا اتالعان تاۋاردىڭ ءبىر داناسى 50 تەڭگەدەن ساتىلۋدا. ءبىر ساتىپ الۋشىعا 5 دانا مەديتسينالىق ماسكادان ارتىق ساتىلمايدى.
بۇگىندە وبلىس اكىمدىگى تاراز قالاسى مەن بارلىق اۋداندا تىگىن شەبەرحانالارى مەن اتەلەسى بازالارىندا دا كوپ رەتتىك ماسكالار شىعاراتىن شاعىن وندىرىستەر قۇرۋ ماسەلەسىن قاراستىرۋدا. قازىرگى كەزدە ولاردىڭ ءونىم كولەمى 3900 دانانى قۇراپ وتىر. الەمدى شارپىعان قاۋىپتى كەسەلدىڭ الدىن الۋ ماقساتىندا وڭىردەگى ءدارىحانا جەلىلەرىندە دەزينفەكتسيالىق جانە انتيسەپتيكالىق قۇرالدارىنىڭ 12 ءتۇرى, ونىڭ ىشىندە تەرى انتيسەپتيكتەرى, دەزينفەكتسيالىق سابىندار سەكىلدى وزگە دە قۇرالدار بار.
جامبىل وبلىسى