بۇگىن قازاقستاندا توتەنشە جاعداي رەجيمى رەسمي تۇردە اياقتالدى. وسىعان بايلانىستى قازاقستان قارۋلى كۇشتەرىنىڭ بلوكبەكەتتەرىندە كۇشەيتۋ, ەلدى مەكەندەردى دەزينفەكتسيالاۋ جانە پاترۋلدەۋ بويىنشا كەزەكشىلىككە تارتىلعان جەكە قۇرامى مەن اسكەري تەحنيكا وزدەرىنىڭ تۇراقتى ورنالاسقان پۋنكتتەرىنە ورالادى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
پۋنكتتەرىنە جەتكىزۋ اسكەري-كولىك اۆياتسياسىنىڭ كۇشتەرىمەن, سونداي-اق ءوز جۇرىستەرىمەن جۇزەگە اسىرىلادى.
بۇل رەتتە, ارنايى جيىندارعا شاقىرىلعان اۋماقتىق قورعانىس اسكەرلەرىنىڭ اسكەري قىزمەتشىلەرى ءوز مىندەتتەرىن بۇرىن بەكىتىلگەن مەرزىمدەرگە جانە جەرگىلىكتى اتقارۋشى ورگانداردىڭ جوسپارلارىنا سايكەس ورىنداۋدى جالعاستىرادى.
ەلدە توتەنشە جاعداي ەنگىزىلگەن كۇننەن باستاپ اسكەريلەرگە رەجيمدى قامتاماسىز ەتۋ جانە ۆيرۋستارمەن كۇرەستە ماڭىزدى مىندەتتەر جۇكتەلدى. اسكەري قىزمەتشىلەر اۋماقتار مەن وبەكتىلەردى وڭدەۋدى جۇرگىزىپ, بلوكبەكەتتەردە جانە پاترۋلدەردە قىزمەت اتقاردى.