بۇل تۋرالى اقپاراتتىق كوممۋنيكاتسيا-ورتالىعىندا وتكەن بريفينگتە شىمكەنت قالاسى اكىمىنىڭ ءبىرىنشى ورىنباسارى ەربول سادىر ءمالىم ەتتى.
- ەلىمىزدە توتەنشە جاعداي ەنگىزىلۋىنە بايلانىستى مەملەكەت تاراپىنان ارنايى انتيكريزيستىك شارالاردى قولدانۋ ارقىلى, ەكونوميكامىزدى دامىتۋعا ءتيىستى قارجى بولىنگەن. بۇل رەتتە شىمكەنت قالاسىندا دا ناقتى شارالار قولعا الىندى. قالا بويىنشا جۇمىسپەن قامتۋدىڭ جول كارتاسى ارقىلى 224 جوبانى قارجىلاندىرۋ ماقساتىندا 45 ملرد تەڭگە قارجى بولىنگەن. جوبانى جۇزەگە اسىرعان كەزدە 8 380 جۇمىس ورنى قۇرىلاتىن بولادى. جۇمىسپەن قامتۋ ورتالىعى ارقىلى 4 190 ازامات جۇمىسپەن قامتىلماق. جوعارىداعى 224 جوبانىڭ 223-ءى بويىنشا مەملەكەتتىك ساتىپ الۋ كونكۋرستارى جاريالانعان. قازىرگى كەزدە جۇمىسىن باستاعان 67 جوبا اياسىندا 2 141 جۇمىس ورنى اشىلىپ, 532 ازامات جۇمىسپەن قامتىلعان, - دەدى قالا اكىمىنىڭ ءبىرىنشى ورىنباسارى.
كارانتيننىڭ ەنگىزىلىۋىنە بايلانىستى جۇمىسىنان ايىرىلعان ازاماتتاردى قولداۋ ماقساتىندا 42 500 تەڭگە الەۋمەتتىك تولەم تاعايىندالعان بولاتىن.
بۇل ورايدا, بۇگىنگى كۇنگە دەيىن قالادا 282 745 ادامعا 42 500 تەڭگە كومەك تاعايىندالىپ, 280 633 ادامعا 42 500 تەڭگە تولەنگەن. وسى مەرزىمدە 17 593 وتباسىعا 2 ملرد 411 ملن. تەڭگە ااك تولەنگەن. ال كەپىلدەندىرىلگەن الەۋمەتتىك پاكەتپەن قامتاماسىز ەتۋ بويىنشا ااك تاعايىندالعان وتباسىلاردىڭ بالالارىنا 27 986 بالاعا وسى الەۋمەتتىك پاكەتپەن اي سايىنعى ازىق-ت ۇلىك بەرىلۋدە.
ايتا كەتەرلىگى, توتەنشە جاعداي كەزىندە الەۋمەتتىك توپتامالاردى الاتىن ازاماتتاردىڭ قاتارى ۇلعايتىلعان. ونىڭ ىشىندە:
- 6 جاستان 18-قا دەيىنگى بالالارعا ناقتى 31 737 بالاعا 517 ملن تەڭگە تولەنگەن.
- 16 جاستاعى مۇگەدەك بالار مەن بارلىق جاستاعى ءى, ءىى, ءىىى توپتاعى مۇگەدەكتەرگە, 34 149 ازاماتقا 189.7 ملن تەڭگە قارجى تولەنگەن.
- مۇگەدەك بالا كۇتىمىمەن اينالىساتىن اتا-انالارعا 4 843 ازاماتقا 26 ملن 900 مىڭ تەڭگە تولەنگەن.
- جۇمىسپەن قامتۋ شارالارىنا تارتىلعان ازاماتتارعا 4 292 ادامعا 23 ملن 800مىڭ تەڭگە قارجى تولەنگەن.
- ء«بىز بىرگەمىز» قورى ارقىلى 41 630 ازاماتقا ءار وتباسىنا 50 مىڭ تەڭگەدەن 2 ملرد 81 ملن قارجى تولەنگەن. سونىمەن قاتار, حالىقتىڭ 20 مىڭ وسال توپتارىنا 50 بەتپەردە تەگىن ۇلەستىرىلگەن.