بۇگىن مەملەكەت باسشىسى قاسىم-جومارت توقاەۆ ەلىمىزدە توتەنشە جاعدايدىڭ اياقتالۋىنا بايلانىستى مالىمدەمە جاسادى. وسى كەزەڭگە دەيىن شىمكەنت قالاسىندا كارانتيندىك شەكتەۋلەردىڭ ەنگىزىلۋىنە بايلانىستى ناقتى شارالار قولعا الىندى.
سونىڭ ناتيجەسىندە ەپيدەميالىق جاعداي تۇراقتانىپ, قالامىزدا بۇگىننەن باستاپ بىرقاتار ەنگىزىلگەن شەكتەۋلەر الىنۋدا. الايدا تۇرعىنداردىڭ قاۋىپسىزدىگى ءۇشىن شىمكەنتتە كارانتين رەجيمى 25 مامىرعا دەيىن جالعاسادى. بۇل رەتتە قازىر قالانىڭ كىرەبەرىستەرىندە 18 بلوك-بەكەت جۇمىس ىستەپ تۇر. بارلىق جاعداي قاتاڭ باقىلاۋدا.
- بۇگىندە قالامىزدا كوروناۆيرۋس ىندەتىمەن 233 ازامات تىركەلىپ وتىر. جالپى 130 ازامات ساۋىعىپ شىققان. قازىرگى تاڭدا شىمكەنت قالالىق جۇقپالى اۋرۋلار اۋرۋحاناسىندا 117 ادام ەمدەلۋدە. قالادا قاۋىپتى ىندەتكە قاتىستى 32 وشاق بار. ونىڭ 28-ءى تۇرعىن ۇيگە, 4-ءى نىساندارعا بايلانىستى كارانتيندىك وشاقتار. ينفەكتسيانى جۇقتىرعان ازاماتتارمەن بايلانىستا بولعان ازاماتتارعا ارنايى الگوريتم بەكىتىلىپ, تۇراقتى باقىلاۋعا الىنىپ, دەر كەزىندە ءتيىستى ەم-دوم جاسالۋدا, - دەدى قالا اكىمىنىڭ ءبىرىنشى ورىنباسارى.
ايتا كەتەرلىگى, كارانتيندىك رەجيمگە بايلانىستى دەنساۋلىق سالاسىندا قىزمەت ەتىپ جۇرگەن بىرقاتار ازاماتتارعا دا كومەك كورسەتىلۋدە. ياعني, جالاقىلارىنا ۇستەماقى تولەنۋدە. سونىمەن قاتار, قاۋىپتى وشاقتاردا قىزمەت ەتىپ جۇرگەن دارىگەرلەر مەن مەيىربيكەلەرگە قوناقۇيلەردەن ارنايى ورىن بەرىلگەن. لوبوراتوريا مەن دەزينفەكتسيا جۇمىستارىن جۇرگىزەتىن ماماندار دا قوناقۇيلەرگە ورنالاستى. وعان قوسا قالامىزداعى ەكى جاتاقحانادا 300 دەنساۋلىق ساقتاۋ سالاسىنىڭ قىزمەتكەرلەرى وقشاۋلانىپ, جۇمىسىن جالعاستىرۋدا.