9 مامىردا الماتىعا تۇركيا رەسپۋبليكاسىنىڭ ۇكىمەتى اتىنان گۋمانيتارلىق جۇك جەتكىزىلدى. ونىڭ ىشىندە مەديتسينالىق ماسكالار (150 000 دانا), بەتكە ارنالعان قورعانىس ەكراندارى (50 دانا), كوزدى قورعايتىن كوزاينەكتەر (100 دانا), كومبينيزوندار (300 دانا) جانە دەزينفەكتسيالىق قۇرالدار بار. بۇل تۋرالى ءسىم ءباسپاسوز قىزمەتى حابارلادى.
باۋىرلاس تۇركيانىڭ بۇل قادامى كوروناۆيرۋس ىندەتىمەن كۇرەستەگى جاھاندىق ىنتىماقتاستىقتىڭ ايقىن كورىنىسى بولىپ تابىلادى.
سونىمەن قاتار, 2020 جىلعى 11 مامىردا تۇركيانىڭ جەتەكشى فارماتسەۆتيكالىق ءوندىرۋشىسى «Abdi Ibrahim» كومپانياسى دا COVID-19 كوروناۆيرۋسىمەن كۇرەسۋدە بەلسەندى قولدانىلاتىن, قۇرامىندا حلوروكين بار «Kutlu» ءدارىسى مەن اتسەتيلتسيستەين پرەپاراتىن قازاقستانعا گۋمانيتارلىق قولداۋ رەتىندە جىبەرگەنىن اتاپ وتكەن ءجون.
گۋمانيتارلىق جۇكتى مەديتسينالىق مەكەمەلەر اراسىندا تاراتۋ ءۇشىن بىرىڭعاي ديستريبيۋتور «سق-فارماتسيا» جشس قابىلداپ الدى.
بۇدان بۇرىن قازاقستانعا گۋمانيتارلىق كومەكتى YDA Holding, Anadolu Endustri Holding (Coca-Cola Icecek), Nobel Ilac سياقتى باسقا دا بىرقاتار تۇركيالىق ينۆەستورلار تاراپىنان جىبەرىلگەندىگىن اتاپ وتكەن ءجون.