قورعانىس مينيسترلىگىندە كەزەكتى اپپاراتتىق كەڭەس ءوتتى. قىزمەتتىك تۇرعىن ءۇي قورىن جاڭارتۋ, قارۋلى كۇشتەردەگى العاشقى پتر زەرتحاناسىن ىسكە قوسۋ جانە جەكە قۇرامدى كوروناۆيرۋسقا اۋقىمدى تەستىلەۋ, اسكەري قىزمەتشىلەردىڭ ارىس قالاسىنداعى قىزمەتى جانە əسكەر ءومىرىنىڭ باسقا دا وزەكتى ماسەلەلەرى كۇن تəرتىبىنە قويىلدى. بۇل تۋرالى مينيسترلىكتىڭ ءباسپاسوز قىزمەتى حابارلادى.
اسكەري قالاشىقتاردىڭ ينفراقۇرىلىمىن دامىتۋ, اسكەري قىزمەتشىلەر مەن ولاردىڭ وتباسىلارىنىڭ ءومىر ءسۇرۋى ءۇشىن قولايلى جاعدايلار جاساۋ – اسكەري باسشىلىق نازار اۋداراتىن باسىم باعىتتاردىڭ ءبىرى. وسى اپتادا ەلىمىزدىڭ شىعىسىنداعى اياگوز گارنيزونىنىڭ اسكەري بولىمدەرىنىڭ اسكەري قىزمەتشىلەرى تۇراتىن «يۋجنىي» جابىق اسكەري قالاشىعىندا 60 پاتەرلى تۇرعىن ءۇي پايدالانۋعا بەرىلەدى. اتالمىش تۇرعىن ۇيدە سىرتقى جىلۋ تراسساسى مەن ىشكى الاڭ جەلىلەرى جوندەلىپ, ۇيلەردىڭ شاتىرى اۋىستىرىلدى, جاڭا تەرەزەلەر مەن ەسىكتەر ورناتىلىپ, ىشكى جەلىلەر مەن ارلەۋ جۇمىستارى جۇرگىزىلدى, سونداي-اق, اۋلا اۋماعى اباتتاندىرىلدى.
قورعانىس ءمينيسترى تۇرعىن ءۇيدى تاپسىرۋ الدىندا جۇرگىزىلگەن جوندەۋ جۇمىستارىنىڭ ساپاسىن تەكسەرۋدى ۇيىمداستىرۋدى, سونىمەن قاتار, اسكەري قىزمەتشىلەرگە كىلتتەردى تاپسىرۋ بويىنشا ءتيىستى ءىس-شارالار وتكىزۋدى تاپسىردى.
سوڭعى ۋاقىتتا اتالمىش اسكەري قالاشىقتىڭ كەلبەتى تۇبەگەيلى وزگەرگەنىن اتاپ وتكەن ءجون. 18 تۇرعىن ۇيدە 1 350 پاتەر, ونىڭ ىشىندە 14 پəتەر تولىق جوندەۋدەن ءوتتى. 2020 جىلعا ارنالعان جوسپاردا 36 عيمارات پەن نىساندى كۇردەلى جوندەۋ جوسپارلانعان. اعىمداعى جىلدىڭ شىلدە ايىندا كۇردەلى جوندەۋدەن كەيىن 70 پاتەرى بار تاعى ءبىر تۇرعىن ءۇيدى تاپسىرۋ جوسپارلانىپ وتىر.
كەڭەستىڭ كۇن تارتىبىندەگى ماڭىزدى ماسەلەلەردىڭ ءبىرى قارۋلى كۇشتەردىڭ العاشقى پتر-زەرتحاناسىن قۇرۋ بولدى. ول الماتى قالاسىنداعى قارۋلى كۇشتەردىڭ سانيتارلىق-ەپيدەميولوگيالىق ورتالىعى بازاسىندا قۇرىلعان. زەرتحانا عيماراتىنىڭ ءۇي-جايلارى جوندەلىپ, قاجەتتى جابدىقتار ورناتىلىپ, ىسكە قوسۋ جۇمىستارى جۇرگىزىلدى, سونداي-اق ارنايى ماماندار, ونىڭ ىشىندە ۆيرۋسولوگتار دايىندالدى.
اتالمىش زەرتحانانى پايدالانۋعا بەرۋ قارۋلى كۇشتەردىڭ جەكە قۇرامىن, اسىرەسە ينفەكتسيانىڭ تارالۋىنا قارسى كۇرەس جونىندەگى ءىس-شارالارعا, كوروناۆيرۋسقا تەستىلەۋگە تارتىلعانداردى كەڭىنەن قامتۋدى قامتاماسىز ەتۋگە, سونداي-اق باسقا دا پتر-زەرتتەۋلەردىڭ قاجەتتى كولەمىن جۇرگىزۋگە مۇمكىندىك بەرەدى. بۇل تۋرالى ءتيىستى نۇسقاۋدى قورعانىس ءمينيسترى بەرگەن بولاتىن.
كەڭەستە ماڭىزدى مəسەلەلەر قاتارىن قر پرەزيدەنتىنىڭ جارلىعىنا سايكەس اعىمداعى جىلدىڭ 31 تامىزىنا دەيىن وتكىزىلەتىن مەرزىمدى اسكەري قىزمەتكە ازاماتتاردى شاقىرۋدى دە قامتىدى.
ۆەدومستۆو باسشىسى اتاپ وتكەندەي əسكەرگە شاقىرىلاتىندار دەنساۋلىعىنىڭ قاۋىپسىزدىگى ءۇشىن قاتاڭ شارالار قابىلداۋ, جەرگىلىكتى اسكەري باسقارۋ ورگاندارىمەن بىرلەسىپ پتر-تەستىلەۋدى ۇيىمداستىرۋ قاجەت. بۇدان بولەك, بارلىق تالاپتار مەن بەلگىلەنگەن مەرزىمدەردى ساقتاي وتىرىپ, جەكە قۇرامنىڭ اسكەري بولىمدەرگە كەلۋى بويىنشا وقشاۋلاۋدى ۇيىمداستىرۋ شارالارىن جۇزەگە اسىرۋ كەرەك.
ەلوردا مەن باسقا دا وڭىرلەردە اۋماقتىق قورعانىس بولىمشەلەرى توتەنشە جاعداي رەجيمىن قامتاماسىز ەتۋ جانە كوروناۆيرۋستىق ينفەكتسيانىڭ تارالۋىنا قارسى كۇرەس بويىنشا مىندەتتەردى ورىنداۋدى اياقتادى. وسى اپتانىڭ سوڭىندا جوسپار بويىنشا دەزينفەكتسيالىق جۇمىستاردى قاراعاندى وبلىسىنىڭ اۋماقتىق قورعانىس بريگاداسى اياقتايدى.
ارىس قالاسىنداعى اسكەري قىزمەت تە كەڭەس بارىسىندا قارالدى. قازىرگى ۋاقىتتا وقيعا ورنىندا توتەنشە جاعداي سالدارىن جويۋ بويىنشا بىرىكتىرىلگەن قۇراما ءوز جۇمىسىن جالعاستىرۋدا.
ازاماتتاردىڭ قاۋىپسىزدىگى ماقساتىندا قورعانىس ۆەدومستۆوسىنىڭ باسشىسى جازعى دەمالىس پەن دەمالىستاردىڭ باستالۋىن ەسكەرە وتىرىپ, جەرگىلىكتى تۇرعىندارمەن ساپالى اقپاراتتاندىرۋ وتكىزۋدى تاپسىردى.
قاۋىپسىزدىك پەن قوعامدىق ءتارتىپتى قامتاماسىز ەتۋ ءۇشىن اسكەري باسشىلىق ءىرى گارنيزونداردا, تەمىر جول ۆوكزالدارىندا, قوعامدىق ورىنداردا اسكەري پاترۋلدەردىڭ تəجىريبەسىن جالعاستىرۋدى تاپسىردى. بۇل شەشىم ءتارتىپتى ساقتاۋعا, كيىم نىسانىن كيۋ ەرەجەلەرى مەن قوسا اسكەري قىزمەتشىلەردىڭ ەتيكاسىن ساقتاۋعا باعىتتالعان.