وزبەكستاننىڭ جۇمىسپەن قامتۋ جانە ەڭبەك قاتىناستارى مينيسترلىگى جانىنداعى سىرتقى كوشى-قون اگەنتتىگى (سكقا) قازاقستاندا جۇمىس ىستەۋگە قۇرىلىسشىلار ىزدەپ جاتىر. قازاقستاننىڭ تۇركىستان وبلىسى, ماقتاارال اۋدانىندا جۇمىس ىستەۋ ءۇشىن ساۋلەتشىلەر, اعاش ۇستالارى, مونتاجشىلار, سىلاقشىلار, بەتون قۇيۋ, كىرپىش پەن بەتون پليتالارىن سالۋ بويىنشا ماماندار شاقىرىلادى. بۇل تۋرالى اگەنتتىكتىڭ ءباسپاسوز قىزمەتى حابارلادى.
جالپى, ۇمىتكەرلەر ءۇشىن 400-دەن استام بوس جۇمىس ورنى بار. جۇمىس ىستەۋگە ىقىلاس بىلدىرگەندەر سىرتقى كوشى-قون اگەنتتىگىنە تەلەفون ءنومىرى ارقىلى حابارلاسا الادى نەمەسە ارنايى نىساندى تولتىرۋ ارقىلى كانديدات رەتىندە تىركەلە الادى. ءبىز وسىعان دەيىن وزبەكستاننىڭ سىرداريا وبلىسىنداعى ساردوبا سۋ قويماسىنداعى بوگەتتىڭ جارىلۋى سالدارىنان بولعان سۋ تاسقىنىنان كەيىن قازاقستانعا كومەكتەسۋگە دايىن ەكەنىن حابارلاعانبىز.
وزبەكستان مەن قازاقستاننىڭ پرەمەر-مينيسترلەرى ابدۋللا اريپوۆ پەن اسقار مامين تۇركىستان وبلىسى ماقتاارال اۋدانىنىڭ زارداپ شەككەن ايماقتارىنا بارىپ, جاعدايمەن تانىسىپ قايتتى. قازىر ماقتاارالدا توتەنشە جاعدايدىڭ سالدارىن جويۋ جۇمىستارى جۇرگىزىلۋدە.
قالاعاندار سىرتقى كوشى-قون اگەنتتىگىنە تەلەفون ءنومىرى ارقىلى حابارلاسا الادى نەمەسە ارنايى نىساندى تولتىرۋ ارقىلى كانديدات رەتىندە تىركەلە الادى.
اپاتتىق-قۇتقارۋ جۇمىستارىنا وزبەكستاننان 200-دەن استام مامان مەن 100-گە جۋىق تەحنيكا قاتىسادى. ماقتاارال اۋدانىنىڭ مىرزاكەنت اۋىلىندا سۋ تاسقىنى سالدارىنان ۇيلەرىنەن ايرىلعاندار ءۇشىن جاڭا شاعىن اۋداننىڭ قۇرىلىسى باستالدى.