حورۆاتيالىق باتينا اۋىلىندا قازاقستاندىق ديپلوماتتار وزدەرىنىڭ رەسەيلىك جانە ازەربايجاندىق ارىپتەستەرىمەن بىرلەسىپ, سونداي-اق حورۆاتيا انتيفاشيستىك ۇيىمدارى وكىلدەرىنىڭ, ارداگەرلەر مەن قوعام قايراتكەرلەرىنىڭ قاتىسۋىمەن 1944 جىلى باتين شايقاسىندا قازا تاپقان كەڭەس جاۋىنگەرلەرىنىڭ مەموريالىنا گۇل شوقتارىن قويۋ راسىمىنە قاتىستى. بۇل تۋرالى ءسىم ءباسپاسوز قىزمەتى حابارلادى.
ءوز كەزەگىندە قازاقستاننىڭ سەربياداعى ەلشىسى عابيت سىزدىقبەكوۆ بەلگرادتى بوساتۋشىلاردىڭ مونۋمەنتى مەن كەڭەس سولداتىنىڭ ەسكەرتكىشىنە گۇل شوقتارىن قويۋ راسىمىنە قاتىستى.
سالتاناتتى راسىمگە سەربيا پرەمەر-ءمينيسترىنىڭ ءبىرىنشى ورىنباسارى – سىرتقى ىستەر ءمينيسترى يۆيتسا داچيچ, زيالى قاۋىم, ديپلوماتيالىق كورپۋس, قوعامدىق, سونىڭ ىشىندە ارداگەرلەر ۇيىمدارىنىڭ وكىلدەرى قاتىستى.
سونىمەن قاتار قازاقستان رەسپۋبليكاسىنىڭ نورۆەگيا كورولدىگىندەگى ەلشىسى ەركىن احينجانوۆ وسلو قالاسىنداعى «ۆەسترە گراۆليۋند» زيراتىندا كەڭەس سولداتتارىنىڭ ەسكەرتكىشىنە گۇل شوقتارىن قويدى. مۇندا نورۆەگيادا ەكىنشى دۇنيەجۇزىلىك سوعىس جىلدارىندا قازا تاپقان 347 كەڭەس جاۋىنگەرلەرىنىڭ قۇرمەتىنە مەموريال ورناتىلعان, وندا «نورۆەگيا سىزگە العىس بىلدىرەدى» دەگەن جازۋ جازىلعان.