«Nur Otan» پارتياسى ورتالىق اپپاراتىنىڭ باسشىسى بولىپ ءمادي وسپانوۆ تاعايىندالدى. بۇل تۋرالى پارتيانىڭ ءباسپاسوز قىزمەتى حابارلادى.
ءمادي وسپانوۆ 1978 جىلى قاراعاندى قالاسىندا دۇنيەگە كەلگەن. ە.بوكەتوۆا اتىنداعى قاراعاندى مەملەكەتتىك ۋنيۆەرسيتەتىن بىتىرگەن.
ونىڭ «Nur Otan» پارتياسىنىڭ قۇرىلىمىندا ايتارلىقتاي تاجىريبەسى بار. 2013 جىلدان 2018 جىلعا دەيىن پارتيانىڭ زاڭ قىزمەتىن باسقاردى. 2018 - 2019 جىلدارى «Nur Otan» پارتياسى ورتالىق اپپاراتىنىڭ باسشىسى بولدى.
وسى جىلدار ىشىندە ول پرەزيدەنت اكىمشىلىگىندە, پرەمەر-مينيستر كەڭسەسىندە, ەسەپ كوميتەتىندە, قارجى مينيسترلىگىندە جانە ت.ب. بىرقاتار قىزمەت اتقاردى.
بۇعان دەيىن وسى قىزمەتتى اتقارعان ءانۋار وسكەنباەۆ وتباسىلىق جاعدايعا بايلانىستى ءوز ەركىمەن قىزمەتىنەن بوساتىلدى.