پرەمەر-ءمينيستردىڭ ورىنباسارى ەرالى توعجانوۆ ۇكىمەت ۇيىندە وتكەن بريفينگتە كوروناۆيرۋس ينفەكتسياسىمەن كۇرەسۋگە تارتىلعان دارىگەرلەر مەن مەديتسينا قىزمەتكەرلەرىنە ۇستەمە اقى تولەۋدىڭ ودان ءارى جالعاساتىنى تۋرالى ايتىپ بەردى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
مەملەكەت باسشىسىنىڭ تاپسىرماسى بويىنشا دارىگەرلەر مەن مەديتسينا قىزمەتكەرلەرىنە ۇستەمە اقى تولەۋ ءۇشىن ۇكىمەتكە 40 ملرد تەڭگەگە جۋىق قاراجات ءبولىندى.
«تولەمدەردىڭ جارتىسى تولەندى. قالعان بولىگى بيىل تامىز ايىنا دەيىن تولەنەتىن بولادى», — دەدى ۆيتسە-پرەمەر.
سونىمەن قاتار ە. توعجانوۆ جۇمىسقا شىعاتىن اتا-انالارعا قولايلى ءبولۋ ۇشىن بالاباقشالاردا كەزەكشى توپتار ۇيىمداستىرىلاتىنىن ايتتى. بىراق سانيتارلىق نورمالاردى ساقتاۋ قاجەت بولادى.
«مىسالى, بالاباقشگالاردا ءاربىر توپتا 25-30 بالادان بار. كارانتين كەزەڭىندە ساقتىق شارالارىن ەسكەرە وتىرىپ, توپتارداعى بالالار سانىن 15-كە دەيىن عانا جەتكىزۋ كەرەك. بۇل رەتتە جۇمىس ىستەيتىن ءار اتا-انانىڭ بالالارىن بالاباقشادا قالدىرۋ مۇمكىندىگى بار ەكەنىن اتاپ ايتقىم كەلەدى», — دەدى پرەمەر-ءمينيستردىڭ ورىنباسارى.