ەلوردادا بۇگىننەن باستاپ اقىلى تۇراقتار جۇمىس ىستەي باستايدى

بەلگىلى بولعانداي, نۇرجول بۋلۆارىندا كولىك تۇراعى ءۇشىن تولەم ەنگىزۋ بويىنشا قاناتقاقتى جوبا وڭ ناتيجە كورسەتتى. وسى اۋداندا كولىك قوزعالىسى جاقساردى, كولىك تۇراعى ەرەجەلەرىن بۇزۋ سانى ازايدى, كولىك ورىندارىنىڭ اينالىمدىلىعى ارتتى, اۆتوموبيل تۇراعىنىڭ ورتاشا ۋاقىتى قىسقاردى. جوبا باستالعاننان بەرى قالا جولدارىنداعى جاعدايدى جاقسارتۋعا الىپ كەلەتىن تۇراق ايماقتارىن ۇيىمداستىرۋ بويىنشا ۇلكەن جۇمىستار اتقارىلدى. ەگەر بۇرىن اۆتوموبيل تۇراعىنىڭ ورتاشا ۋاقىتى 4 ساعاتتى قۇراسا, بۇگىندە ول 40 مينۋتتان اسپايدى. بۇزۋشىلىقتار سانىنىڭ كورسەتكىشى 63%-عا تومەندەدى.

اقىلى تۇراقتار جۇمىس كۇندەرى تاڭعى ساعات 8.00-دەن كەشكى 20.00-گە دەيىن جۇمىس ىستەيدى. دەمالىس جانە مەرەكە كۇندەرى اۆتوتۇراقتار تەگىن. اقىلى تۇراق قۇنى - ساعاتىنا 100 تەڭگە. اقشا تۇراق سەسسياسى باستالعانعا دەيىن الدىن الا تولەم بويىنشا ەنگىزىلەدى. تۇراق باستالعان ساتتەن باستاپ 30 مينۋت ىشىندە تۇراق اقىسىن تولەۋ قاجەت. تولەمدەر مەن ايىپپۇلداردان تۇسكەن اقشا قاراجاتى جول-كولىك ينفراقۇرىلىمىن دامىتۋ جونىندەگى قالالىق باعدارلامالاردى قارجىلاندىرۋ ءۇشىن قالا بيۋدجەتىنە تۇسەدى.

قازىرگى ۋاقىتتا نۇرجول بۋلۆارىندا 487 تۇراق ورنى پايدالانۋعا بەرىلگەن. ءاربىر تۇراق قالتاسىندا بارلىق قاجەتتى اقپارات كورسەتىلگەن اقپاراتتىق قالقان ورناتىلعان. قالقاننىڭ جوعارعى جاعىندا تۇراق ايماعىنىڭ ءنومىرى ورنالاسقان, وسى ءنومىر ارقىلى جۇيە تۇراق ورنىن سالىستىرادى. ءنومىر بارلىق تۇراق قالتاسى ءۇشىن بىرىڭعاي بولىپ تابىلادى جانە تۇراق ءۇشىن اقى تولەۋ كەزىندە كورسەتىلەدى. اقىلى تۇراقتاردى ورناتۋ جانە اشۋ بويىنشا جوسپارلى جۇمىس جۇرگىزۋشىلەرگە دە, جاياۋ جۇرگىنشىلەرگە دە ىڭعايلى بولۋعا كومەكتەسەدى. «ەسىل» جانە «سارىارقا» اۋداندارىندا تاعى 3 381 تۇراق ورنى ىسكە قوسىلۋعا دايىن. اقىلى اۆتوتۇراق ايماقتارى بوگەنباي باتىر, سارىارقا, رەسپۋبليكا داڭعىلدارىنىڭ جانە ەسىل وزەنىنىڭ جاعاسىندا پايدا بولادى. بۇل الاڭداعى تۇراق قالتالارى جۇمىس ىستەۋگە قاجەتتى قۇرال-جابدىقتارمەن جابدىقتالعان, جول بەلگىلەرى, اقپاراتتىق تاقتالار مەن تۇراق ەسەپتەگىشتەرى ورناتىلعان.

«ەسىل» اۋدانىندا سارايشىق, سىعاناق كوشەلەرىنىڭ, تۇران جانە ماڭگىلىك ەل داڭعىلدارىنىڭ شارشى الاڭىندا تۇراق ايماقتارى ورنالاسقان. اۆتوتۇراق ايماقتارىن پايدالانۋعا بەرۋ اكتىلەرى نۇر-سۇلتان قالالىق كولىك باسقارماسىنا جىبەرىلدى.

جوعارىدا اتالعان اۋداندارداعى تۇراق ايماقتارى تەستىلىك رەجيمدە جۇمىس ىستەپ تۇرعان كەزدە, ايىپپۇلدار قويىلمايدى. تەست كەزەڭى جۇرگىزۋشىلەردى جاڭا ينفراقۇرىلىم جۇمىسىنىڭ پرينتسيپتەرىمەن تانىستىرۋعا ارنالعان. ەلوردا تۇرعىندارى اقىلى تۇراقتاردىڭ ورنالاسقان جەرى تۋرالى الدىن الا ءبىلىپ, ءتۇرلى تولەم ادىستەرىن پايدالانىپ, astanapark.kz سايتىندا جەكە كابينەت قۇرىپ, «پاركوۆكي استانى» ءموبيلدى قوسىمشاسىن جۇكتەپ الا الادى.