Nur Otan پارتياسى سۋ تاسقىنىنان زارداپ شەككەن ماقتاارال اۋدانىنا 400 توننادان استام گۋمانيتارلىق كومەك جىبەرگەن. ال «Jas Otan» ۆولونتەرلارى مەن بەلسەندىلەرى جەرگىلىكتى جەردە جەتكىزىلگەن كومەكتى تۇرعىندارعا ۇلەستىرىپ بەرۋمەن اينالىسىپ جاتىر. بۇل تۋرالى Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك Facebook پاراقشاسىندا جازدى.
«قۇرمەتتى دوستار! وزدەرىڭىزگە بەلگىلى, ەل پرەزيدەنتى قاسىم-جومارت توقاەۆتىڭ تاپسىرماسى بويىنشا تۇركىستان وبلىسى ماقتاارال اۋدانىنىڭ سۋ باسۋدان زارداپ شەكككەن تۇرعىندارى تولىقتاي جاڭا نەمەسە جوندەلگەن تۇرعىن ۇيمەن قامتاماسىز ەتىلەدى. ءاربىر ادام رەسپۋبليكالىق بيۋدجەتتەن 100 مىڭ تەڭگەدەن الادى. مەملەكەت باسشىسىنىڭ باستاماسىمەن قولعا الىنعان الەۋمەتتىك قولداۋ شارالارىنا قوسىمشا ەلباسىنىڭ تاپسىرماسى بويىنشا «Nur Otan» پارتياسى ماقتاارالدىقتارعا 400 توننادان استام گۋمانيتارلىق كومەك, ونىڭ ىشىندە ازىق-ت ۇلىك, جەكە گيگيەنالىق قۇرالدار, كيىم-كەشەك, توسەك-ورىن جابدىعى جانە تاعى دا باسقا زاتتار جونەلتتى», - دەپ جازدى باۋىرجان بايبەك.
ونىڭ ايتۋىنشا, «Jas Otan» ۆولونتەرلارى مەن بەلسەندىلەرى جەرگىلىكتى جەردە جەتكىزىلگەن كومەكتى تۇرعىندارعا ۇلەستىرىپ بەرۋمەن اينالىسىپ جاتىر.
«وڭىرلەردەگى پارتيالاستارىمىز بەن بەلسەندىلەرىمىزگە جۇرتشىلىققا جەدەل قولداۋ كورسەتۋدى ۇيىمداستىرعاندارى ءۇشىن العىس ايتامىن. اسىرەسە, پارتيامىزدىڭ جاستار قاناتىنىڭ جۇمىسىن ەرەكشە اتاپ وتكىم كەلەدى. بىرلىك, ىنتىماق جانە ءوزارا كومەك قولىن سوزۋ سەكىلدى قاسيەتتەر تاپ وسىنداي قيىن-قىستاۋ ساتتەردە كورىنەدى» - دەپ جازدى ول.
سونداي-اق ول جالپى, نۇرسۇلتان نازارباەۆتىڭ باستاماسى بويىنشا «Nur Otan» پارتياسى مەن «Birgemiz» قورى قازاقستاندىقتارعا اتاۋلى كومەك كورسەتۋدى جالعاستىرىپ جاتقانىن تىلگە تيەك ەتتى.
«بۇگىنگى كۇنگە دەيىن 150 مىڭنان استام وتباسى ازىق-ت ۇلىك سەبەتى مەن انتيسەپتيكالىق قۇرالدار الدى. بۇعان قوسا 100 مىڭ وتباسى تەگىن ماسكامەن قامتاماسىز ەتىلدى. 360 مىڭ وتباسى 50 مىڭ تەڭگەدەن بىرجولعى تولەممەن قامتىلدى. وتباسى مۇشەلەرىن قوسا ەسەپتەگەندە, بۇل شامامەن 1 ملن قازاقستاندىقتى قۇرايدى» دەلىنگەن جازبادا.