ەلىمىزدىڭ ازاماتتارى قازاقستان رەسپۋبليكاسىندا تانىلۋعا جانە نوستريفيكاتسيالاۋعا جاتاتىن ءبىلىم تۋرالى قۇجاتتار ءۇشىن «ەلەكتروندى ۇكىمەت» پورتالىندا ء«بىلىم تۋرالى قۇجاتتاردى تانۋ جانە نوستريفيكاتسيالاۋ» اتتى كورسەتىلەتىن قىزمەتتى پايدالانا الادى. قىزمەت كورسەتۋدىڭ ناتيجەسىندە ەلەكتروندى نىساندا ءبىلىم تۋرالى قۇجاتتاردى تانۋ/نوستريفيكاتسيالاۋ تۋرالى كۋالىك نەمەسە قىزمەت كورسەتۋدەن باس تارتۋ تۋرالى دالەلدى جاۋاپ بەرىلەدى.
«بۇگىندە كوپشىلىگى شەتەلدە ءبىلىم الۋدا نەمەسە شەتەلدىك بىلىمگە يە. سوندىقتان بۇل كورسەتىلەتىن قىزمەت كەڭىنەن تانىمال دەۋگە بولادى. جۇرگىزىلگەن ينتەگراتسيانىڭ جانە پروتسەستى اۆتوماتتاندىرۋدىڭ ناتيجەسىندە ەندى قۇجاتتاردى ونلاين رەجىمىندە زاڭداستىرۋعا بولادى. ءسىزدىڭ ءوتىنىمىڭىز تىكەلەي ءبىلىم جانە عىلىم مينيسترلىگىنىڭ بولون پروتسەسى جانە اكادەميالىق موبيلدىك ورتالىعىنا قاراۋعا جىبەرىلەدى», دەپ ءتۇسىندىردى «ۇلتتىق اقپاراتتىق تەحنولوگيالار» اق باسقارما توراعاسى اسەت تۇرىسوۆ.
كورسەتىلەتىن قىزمەتتى الۋ ءۇشىن eGov.kz پورتالىنا كىرۋ, سودان سوڭ ء«بىلىم» قوسىمشاسىن تاڭداۋ قاجەت. «جوعارى وقۋ ورنىنان كەيىنگى ءبىلىم» بولىمىندە قاجەتتى قىزمەتتى تاڭداعان سوڭ ودان ءارى پورتالدا اۆتورلانۋ جانە «قىزمەتكە ونلاين تاپسىرىس بەرۋ» باتىرماسى بويىنشا ءوتۋ كەرەك. سودان سوڭ قۇجات يەسى تۋرالى نەگىزگى مالىمەتتەردى ەنگىزىپ, ء«بىلىم تۋرالى قۇجاتتاردى تانۋ/نوستريفيكاتسيالاۋ», ء«بىلىم تۋرالى قۇجاتتاردى تانۋ/نوستريفيكاتسيالاۋ تۋرالى كۋالىكتىڭ تەلنۇسقاسى» قىزمەتىنىڭ ءبىر ءتۇرىن تاڭداۋ, بارلىق قاجەتتى قۇجاتتاردىڭ كوشىرمەلەرىن بەكىتۋ, قىزمەتتى تولەۋ جانە ءبىر رەتتىك پارول نەمەسە ەتسق كومەگىمەن قول قويۋ قاجەت.