كەزەكتى الدىن الا برونداي الامىز

ەستەرىڭىزگە سالا كەتەيىك, وتكەن اپتادا «ازاماتتارعا ارنالعان ۇكى­مەت» مەملەكەتتىك كورپوراتسياسى كورو­ناۆيرۋس پاندەمياسى قاۋپىنىڭ ساقتالۋىنا بايلانىستى مەملەكەتتىك قىزمەتتەردى كورسەتۋدىڭ جاڭا فورماتىن ۇسىندى, وعان سايكەس ازاماتتار حقو-دان تەك «قاعاز جۇزىن­دەگى» قىزمەتتەر مەن ونلاين تۇر­دە رەسىمدەلگەن قىزمەتتەردىڭ ناتي­جەلەرىن الا الادى.

بۇل رەتتە قىزمەتتەردى تەك الدىن الا جاسالعان برونداۋ ارقىلى الۋعا بولادى. حالىققا قىزمەت كورسەتۋ ور­­تالىعىنا كەزەك ۋاقىتىن egov.kz

پورتالى نەمەسە 1414 نومىرىنە قو­ڭىراۋ شالۋ ارقىلى بەلگىلەي الاسىز.

«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باس­قارما ءتورايىمى اسەمگۇل بالتاشە­ۆانىڭ ايتۋىنشا, كەزەككە تاپسىرىس بەرۋ – ەڭ الدىمەن قىزمەت الۋشى ءۇشىن وتە ىڭعايلى. ول حقو-عا بىردەن قىزمەت الۋ ءۇشىن نەمەسە قۇجاتىن الىپ كەتۋ ءۇشىن عانا بارادى. ء«بىرىنشى كۇنى ءبىز كەزەككە تاپسىرىس بەرمەگەن كليەنتتەردىڭ وزىنەن جاعىمدى پىكىر ەستىدىك. ولار قىزمەتتەردى تەز الۋعا بولا­تىنىن كورىپ, كەلەسى جولى تەك برونداۋ ارقىلى كەلۋگە ۋادە بەردى», دەدى ءا.بالتاشەۆا.

ول سونداي-اق كەزەككە تاپسىرىس بەرگەن كليەنتتەردىڭ بەلگىلەنگەن ۋا­قىت ارالىعىندا كەلۋ كەرەكتىگىن ايتتى, سەبەبى برون ۋاقىتى ءوتىپ كەتسە, قايتا برونداۋ ءراسىمىن جاساۋ كەرەك. سو­نىمەن قاتار برون بارىسىندا تىر­كەلگەن جسن يەسى عانا ەلەكتروندى كە­زەكتى پايدالانا الادى.

ەستەرىڭىزگە سالا كەتەيىك, 4 مامىردان باستاپ توتەنشە جاعداي ءتار­تىبىن قامتاماسىز ەتۋ جونىندەگى شتابتاردىڭ شەشىمىمەن بىرقاتار ايماقتا حالىققا قىزمەت كورسەتۋ ورتالىقتارى اشىلدى.

اتاپ ايتقاندا, قاراعاندى, اق­تاۋ جانە ورال قالالارىندا جەكە تۇل­عالارعا قىزمەت كورسەتۋ ءۇشىن الدىن الا برونداۋ ارقىلى حقو-لار اشىلدى, ال نۇر-سۇلتان قالاسى مەن اق­مو­لا, اقتوبە, اتىراۋ, سولتۇستىك قا­زاق­­ستان جانە تۇركىستان وبلىستا­رىن­دا حقو-لار شاعىن جانە ورتا بيز­نەسكە قىزمەت كورسەتۋ ءۇشىن اشىلدى.