«اۋىل» پارتياسىنىڭ ء«بىز – ماقتاارالدىقتارمەن بىرگەمىز» اتتى قايىرىمدىلىق اۆتوكەرۋەنى ماقتاارال اۋدانىنداعى توپان سۋدان زارداپ شەككەن اۋىلدارعا اتتاندى.
جۇك كولىكتەرىنە تيەلگەن 20 توننادان استام ازىق-ت ۇلىك وزبەكستانداعى «ساردوبا» سۋ قويماسىنداعى اپات سالدارىنان قيىندىققا تاپ بولعان وتانداستارىمىزعا تاراتىلادى.
قايىرىمدىلىق اكتسياسى «اۋىل» پارتياسىنىڭ توراعاسى, پارلامەنت سەناتىنىڭ دەپۋتاتى ءالي بەكتاەۆتىڭ باستاماسى بويىنشا قولعا الىندى. «اۋىل» پارتياسىنىڭ بارلىق ايماقتارداعى فيليالدارى پارتيا توراعاسىنىڭ باستاماسىن قولداپ, وسىنداي سىن ساعاتتا ماقتاارالدىقتارعا كومەك قولىن سوزۋعا شەشىم قابىلداپ, قايىرىمدىلىق اۆتوكەرۋەنىن ۇيىمداستىرىپ, جەدەل تۇردە زارداپ شەككەن ايماقتارعا ەڭ قاجەتتى ازىق-ت ۇلىك تۇرلەرىن جىبەردى.
پارتيانىڭ شىمكەنت قالاسىنداعى فيليال توراعاسى قانات دوساليەۆ: «اۋىل» پارتياسى – ناعىز پاتريوتتاردىڭ پارتياسى. ءدال بۇگىنگىدەي ساتتە بارلىق ايماقتارداعى فيليالدارىمىز جۇدىرىقتاي جۇمىلىپ, وسى شاراعا اتسالىسۋدا. قيىندىققا ەل بولىپ قارسى تۇرۋ, زارداپ شەككەندەرگە جاردەمدەسۋ – ءبىزدىڭ اتادان كەلە جاتقان يگى سالتىمىز, قازاقستان حالقىنىڭ ەڭ اسىل قاسيەتتەرىنىڭ ءبىرى دەپ ەسەپتەيمىن» دەدى.