جەڭىسكە ۇلەس قوسقان جانداردى قۇتتىقتادى

«1943 جىلى جاپونيا تاراپىنان قاۋىپ سەيىلىپ, كەڭەستىك اسكەرلەر باتىسقا جىبەرىلگەندە ءبىزدى دە سوندا جونەلتتى. وسىندا الدىمەن كۋرسك دوعاسىنداعى شايقاسقا ءۇش اپتا قاتىسىپ, باسىما مينانىڭ جارىقشاعى تيگەن سوڭ گوسپيتالعا جاتقىزىلدىم. ول جەردە پەتليتسالارىندا ۇشاقتىڭ بەلگىلەرى بار اسكەري ادام كەلىپ, بىزبەن اڭگىمەلەستى. ماعان «اۆياتسياعا بارعىڭ كەلە مە؟"-دەدى. مەن ءوزىمنىڭ جاياۋ اسكەر ەكەنىمدى ايتتىم. ول بولسا, ۇيرەتەمىز, بىزگە كەلەسىڭ دەپ مەنى جازىپ الىپ كەتتى», دەيدى مايدانگەر.

سودان اۆياتسيادا قىزمەت ەتكەن ول 1945 جىلى ليۋبلين ماڭىنداعى اەرودرومدى اتقىلاۋ كەزىندە اۋىر جاراقاتتانىپتى. جەڭىس كوكتەمىندە اۋرۋحانادا جاتىپ, ۇيىنە قاراشا ايىندا ورالعان. اۋداندىق ميليتسيا بولىمىنە ساۋاتتى ەسەپشى-حاتشى كەرەك بولىپ, ونى سول جەرگە جۇمىسقا شاقىرعان. "مەن پەدۋچيليششە بىتىرگەنمىن. قالايشا ەسەپشى بولامىن؟"- دەگەن كۇمانىنە "ۇيرەنەسىڭ!" دەپ ءبىر-اق قايىرعان. بىراق  كابينەتتە وتىرىپ جۇمىس ىستەۋ كوڭىلىنەن شىقپاي, ول ميليتسيا مەكتەبىنە وقۋعا جىبەرۋدى وتىنگەن. وقۋدان كەيىن ونى سولتۇستىك قازاقستانعا جىبەرىپ, قىلمىستىق-اتقارۋ جۇيەسىندەگى جەدەل لاۋازىمداردا شيرەك عاسىر قىزمەت اتقارىپتى.

زەينەتكە 48 جاسىندا شىققانىمەن, 80 جاسقا دەيىن جۇمىس ىستەگەن ەكەن.

وبلىستىق پوليتسيا دەپارتامەنتى قىزمەتكەرلەرى گريگوري ءيۆانوۆيچتى ۇمىت قالدىرماي, جەڭىس كۇنى قارساڭىندا دەپارتامەنت باسشىسى مارات تولەباەۆ ارداگەرگە بارىپ, جىلى لەبىزىن ءبىلدىرىپ, قۇتتىقتادى.  

وسى كۇنى سقو يۋۆەنالدىق پوليتسەيلەرى تىل ەڭبەككەرلەرىن قۇتتىقتادى. سونىڭ ىشىندە 81 جاستاعى ماريا تىمچۋك تە بار. ەڭبەك ارداگەرى سۇراپىل جىلداردا كونتسلاگەردە بولعان كەزىن ەمىس-ەمىس ەسىندە ساقتاپتى. جارالانعان نەمىستەر ءۇشىن بالالاردان قان الۋ بەس جاستاعى قىزدىڭ ەسىندە ماڭگى قالعان. تاعدىردىڭ جازۋىمەن ءتىرى قالعان ولار سوعىستان كەيىن سمولەنسك قالاسىنىڭ تۇبىندەگى تۋعان ولكەسىنە كەلگەندە ونداعى ۇيلەرىنىڭ ورنى عانا قالعانىن كورەدى. سودان, تاعدىردىڭ جازۋىمەن قازاقستاننان پانا تاپقان ەكەن. قازىر ول قىزىلجار قالاسىندا جالعىز تۇرادى.

يۋۆەنالدىق پوليتسيا قىزمەتكەرلەرى وسىنداي جالعىزباستى جانداردى قۇتتىقتاپ, ولارعا قۋانىش سىيلادى.

پەتروپاۆل