بۇگىن, 8 مامىردا قاراعاندى وبلىسىندا COVID-19 ىندەتىنەن ساۋىققان سەگىز پاتسيەنت اۋرۋحانادان شىعارىلدى, دەپ حابارلادى وبلىس اكىمىنىڭ ءباسپاسوز قىزمەتى.
ءۇي كارانتينىنە شىعارىلعانداردىڭ التاۋى تەمىرتاۋ قالاسىنىڭ تۇرعىندارى. ولاردىڭ اراسىندا 1963, 1973 جانە 1974 جىلدارى تۋعان ءۇش ايەل جانە 11 جاستاعى قىز بالا مەن جاسى 10-عا كەلگەن ەر بالا بار. سونداي-اق, 1984 جىلعى ەر ادام دا جازىلىپ شىققانداردىڭ قاتارىنان ورىن الدى.
پاتسيەنتتەر تولىق ەمدەۋ كۋرسىنان وتكەن سوڭ جانە ەكى مارتە پتر-تالداۋ تەرىس ناتيجە كورسەتكەننەن كەيىن ەكى ايعا سوزىلاتىن ءۇي كارانتينىنە شىعارىلدى.
بۇگىنگە دەيىنگى مالىمەتتەرگە ساي, قاراعاندى وبلىسىندا كوروناۆيرۋس ينفەكتسياسىنان ايىعىپ شىققانداردىڭ جالپى سانى 91 ادامعا جەتتى.