اۋا رايىنىڭ قۇبىلۋىنا بايلانىستى ەلىمىزدىڭ بىرقاتار وڭىرىندە ەسكەرتۋ جاريالاندى

سينوپتيكتەردىڭ حابارلاۋىنشا, 9 مامىردا قىزىلوردا وبلىسىنىڭ باسىم بولىگىندە جاڭبىر جاۋادى. كەي جەرلەردە نايزاعاي, داۋىل, بۇرشاق ءتۇسۋى ىقتيمال. وڭتۇستىك-باتىستان جەل سوعادى, كۇشى كەي جەرلەردە 15-20, كۇندىز ەكپىنى 23 م/س جەتەدى.

قاراعاندى وبلىسىنىڭ كەي جەرلەرىندە كۇن كۇركىرەيدى. جەل شىعىستان سوعادى, كەي جەرلەرىندە ەكپىنى 15-20 م/س.

قاراعاندى قالاسىندا 9 مامىردا جەل شىعىستان سوعادى, جەلدىڭ جىلدامدىعى 15-20 م/س جەتۋى ىقتيمال.

9 مامىردا جەزقازعاندا جەل شىعىستان سوعادى, ەكپىنى 15-20 م/س بولادى.

ال 9 مامىردا باتىس قازاقستان وبلىسىنىڭ كەي جەرلەرىندە نايزاعاي ويناپ, بۇرشاق جاۋادى, كۇندىز كۇن كۇركىرەگەن كەزدە وڭتۇستىك-شىعىستان سولتۇستىك-باتىسقا اۋىسىپ سوعاتىن جەلدىڭ كۇشى 15-20 م/س دەيىن كۇشەيەدى.

ورالدا 9 مامىردا كەشكە نايزاعاي جارقىلداۋى ىقتيمال.