اۋىر اتلەتيكادان قازاقستان قۇراما كومانداسىنىڭ مۇشەسى, لوندون وليمپياداسىنىڭ كۇمىس جۇلدەگەرى اننا نۇرمۇحامبەتوۆا دوپينگ قولدانعانى ءۇشىن ءتورت جىلعا ۇلكەن سپورتتان شەتتەتىلدى.
بۇل اقپاراتتى قازاقستاننىڭ دوپينگكە قارسى كۇرەس ورتالىعى تاراتىپ وتىر. ايگىلى سپورتشىنىڭ ورالتۋرينابول ءدارىسىن قولدانعانى انىقتالىپ وتىر. ارينە, ونداي جاڭالىقتى ەستۋ جانكۇيەرلەرگە دە وڭاي ەمەس. 26 جاستاعى اننا تالاي ءدۇبىرلى دودالاردا ەل نامىسىن ابىرويلى قورعاعان ەدى.
اتاپ ايتساق, 2012 جىلى لوندون وليمپياداسىنىڭ قولا جۇلدەگەرى, 2013 جىلى ازيا چەمپيونى اتاندى. ودان بولەك, جاسوسپىرىمدەر مەن جاستار بۋىنى اراسىنداعى جارىستاردا دا تالاي رەت جەڭىس تۇعىرىنا كوتەرىلدى. كوپتەگەن جانكۇيەرلەر ونىڭ بولاشاعىنا ۇلكەن ۇمىتپەن قارادى. تىپتەن, تانىمال سپورت جۋرناليستەرىنىڭ ءبىرى جاندوس ايتباي اننا نۇرمۇحامبەتوۆانى «اسقان تالانت يەسى» دەپ اتاعانى دا ەسىمىزدە.