ۇلتتىق بانك قولما-قول شەتەل ۆاليۋتاسىن تەڭگەگە ساتىپ الۋ باعامىنىڭ ساتۋ باعامىنان اۋىتقۋ شەكتەرىنىڭ قولدانىلۋ مەرزىمىن 2020 جىلعى 1 شىلدەگە دەيىن ۇزارتۋ تۋرالى شەشiم قابىلدادى. بۇل تۋرالى ۇلتتىق بانكتىڭ ءباسپاسوز قىزمەتى حابارلادى.
«بۇل شارالار ايىرباستاۋ پۋنكتتەرىندەگى ۆاليۋتالاردى ساتىپ الۋ جانە ساتۋ باعامدارى اراسىندا نەگىزسىز جوعارى مارجانى ورناتۋعا قارسى جانە الەمدىك قارجى نارىقتارىنداعى قۇبىلمالى جاعدايعا بايلانىستى قارجىلىق تۇراقتىلىقتى ساقتاۋعا باعىتتالعان. شەتەل ۆاليۋتاسىن ساتىپ الۋ باعامىنىڭ ساتۋ باعامىنان اۋىتقۋ شەكتەرى: 1) اقش دوللارى – 6 تەڭگە; 2) ەۋرو - 7 تەڭگە دەڭگەيىندە بەلگىلەندى. قابىلدانعان شەكتەۋلەر قولما-قول اقشاسىز وتكىزىلەتىن ايىرباستاۋ وپەراتسيالارىنا قولدانىلمايدى. قاۋلىنىڭ تولىق ماتىنىمەن قازاقستان ۇلتتىق بانكىنىڭ ينتەرنەت رەسۋرسىندا تانىسۋعا بولادى»,– دەلىنگەن حابارلامادا.