ماقتاارالعا قايىرىمدىلىق كومەك جالعاسۋدا

وسى سۋ تاسقىنى سالدارىنان تۇركىستان وبلىسى ماقتاارال اۋدانىنا قاراستى بىرنەشە ەلدىمەكەنگە سۋ تاسقىنى جايىلىپ, زارداپ شەكتى. بۇگىنگى تاڭدا 31 606 تۇرعىن 14 ەلدىمەكەننەن ەۆاكۋاتسيالاندى. ونىڭ ىشىندە 6 127 تۇرعىنى بار 5 ەلدىمەكەندى سۋ تولىعىمەن باستى. بۇل – جەڭىس, جاڭا تۇرمىس, فەردوۋسي, ورگەباس جانە دوستىق ەلدىمەكەندەرى.   وسى جاعدايدى ەسكەرىپ, قازاقستان مۇسىلماندارى ءدىني باسقارماسى شىمكەنت قالاسىنىڭ باس يمامى باقداۋلەت ابدراحمانوۆ جانە قالالىق «زەكەت» قورى باستاعان ءبىر توپ ەرىكتىلەر ماقتاارال اۋدانىنىڭ مىرزاكەنت, اتاكەنت, جامبىل اۋىلدارىندا بولىپ, قمدب توراعاسى, باس ءمۇفتي ناۋرىزباي قاجى تاعان ۇلى حازرەتتىڭ ىستىق سالەمىن جەتكىزىپ, بولعان جاعدايعا سابىرلى بولۋعا شاقىردى.   ايتا كەتۋ كەرەك, سۋ تاسقىنى بولعان وڭىرگە «#ماقتاارالبىزبىرگەمىز», «جۇرەك جىلۋى» قايىرىمدىلىق شاراسى بارىسىندا شىمكەنت قالاسى ورتالىق مەشىتىنىڭ ۇيىمداسترۋىمەن 500 وتباسىعا ىستىق تاماق, 2000 دانا مەديتسينالىق بەتپەردە جانە 8 توننا ازىق-ت ۇلىك, باقشا ونىمدەرى تاراتىلدى.   اتالمىش وڭىرگە قول ۇشىن بەرىپ, كومەك بەرۋشىلەرگە ارنالعان شىمكەنت ورتالىق مەشىتىندە قايىرىمدىلىق زاتتاردى قابىلداۋ, جيناۋ ورتالىعى اشىلدى.     شىمكەنت