الماتى حالىقارالىق اۋەجايى جولاۋشىلار اعىنى بويىنشا ەلىمىزدەگى اۋەجايلاردىڭ ىشىندە ءبىرىنشى ورىندى الادى. 2019 جىلى اۋەجايدا 7,2 ملن جولاۋشىعا قىزمەت كورسەتىلدى. بۇل قازاقستاننىڭ اۆياتسيا نارىعىنىڭ 40% قۇرايدى. بۇل تۋرالى يدم ءباسپاسوز قىزمەتى حابارلادى.
وڭتۇستىك استانانىڭ اۋە ايلاعى - ەكى ۇشۋ-قونۋ جولاعى بار جانە يكاو-ڭ IIIB ساناتى بويىنشا قوندىرعىسى بار قازاقستانداعى جالعىز اۋەجاي.
اۋەجاي جەكە مەنشىككە. قىزمەتكەرلەرىنىڭ سانى - 3217 ادام.
توتەنشە جاعداي ەنگىزىلگەنگە دەيىن الماتى قالاسى اۋەجايىنان 18 ىشكى باعىت بويىنشا اپتاسىنا 295 تۇراقتى رەيس ورىندالدى. سونداي-اق اپتاسىنا 3 قازاقستاندىق جانە 16 شەتەلدىك اۋە كومپانياسى 29 باعىت بويىنشا 229 حالىقارالىق رەيس ورىندادى.
2017 جىلى ۇشۋ-قونۋ جولاقتارىنىڭ بىرىنە قايتا جاڭعىرتۋ جۇرگىزىلدى. بۇل ءوز كەزەگىندە اۋەايلاقتىڭ وتكىزۋ قابىلەتىن ساعاتىنا 13 ۇشاقتان 24 ۇشاق ۇشۋىنا دەيىن ارتتىرۋعا مۇمكىندىك بەردى.