قازاقستاننىڭ تانىمال گرەك-ريم كۇرەسى شەبەرى قورلان جاقانشا كەلەشەكتە وليمپيا ويىندارىندا باق سىناۋدى ارماندايدى. ءوزىنىڭ بۇل ويىن ول ۇلتتىق وليمپيادا كوميتەتى ۇيىمداستىرعان ينتەراكتيۆتى شارا كەزىندە جاريا ەتتى.
- مەن ونەر كورسەتەتىن 55 كيلو سالماق دارەجەسى وليمپيادا باعدارلاماسىنا ەنبەگەن. سول سەبەپتى دە مەن ءبىراز ۋاقىتتان بەرى باسقا اۋىسۋدى كوزدەپ جۇرگەن ەدىم. الايدا كەزىندەگى ەلىمىزدىڭ بەلدى بالۋانى, بۇگىنگى تاڭداعى بىلىكتى باپكەر اسەت يمانباەۆپەن اقىلداسقان كەزىمدە ۇستازىم ماعان ازىرگە اسىعۋدىڭ قاجەتى جوق ەكەنىن ايتتى. راسىندا دا 55 كيلو سالماقتا بەلدەسۋ ماعان قولايلى. بىراق ءتۇبى ءبىر تاۋەكەل ەتۋىمە تۋرا كەلەدى. وعان كۇمانىم جوق. سەبەبى, وليمپيا ويىندارىندا ونەر كورسەتۋ ءار سپورتشىنىڭ ارمانى», – دەيدى قورلان.
بيىل جازدى 28 جاسقا تولعالى وتىرعان قورلان جاقانشا 2014 جىلى اسكەريلەر اراسىنداعى الەم بىرىنشىلىگىندە ءۇشىنشى ورىندى يەلەنىپ, كوپشىلىكتىڭ كوزىنە ءتۇستى. بىلتىر ول نۇر-سۇلتاندا وتكەن الەم چەمپيوناتىندا كۇمىس جۇلدەنى ولجالادى. سونىمەن قاتار قورلان ازيا بىرىنشىلىگىندە ءۇش رەت قولا مەدالدى موينىنا ءىلدى.