اقسۋ اۋدانىندا بۇگىن ەسىگىن اشقان «سەرۆيستىك اكىمدىك» جوباسى وبلىس بويىنشا 28 مەملەكەتتىك ورگاننىڭ جۇمىسىن ءبىر جەرگە شوعىرلاندىرىپ, اۋدان تۇرعىندارىنا 99 ءتۇرلى قىزمەت كورسەتۋگە مۇمكىندىك بەرمەك. ياعني, شالعاي اۋىلداردان كەلىپ, قۇجات جيناۋشىلار ەندى تالدىقورعانعا سابىلمايتىن بولدى.
«Open space» قاعيداتى بويىنشا جۇمىس ىستەيتىن ورتالىقتا اقسۋ اۋدانىنىڭڭ 6 مەملەكەتتىك مەكەمەسى قىزمەت كورسەتۋدى باستادى. قازىر بۇل جەردەن 49 مەملەكەتتىك قىزمەتتى بىردەن الۋعا بولادى ەكەن. ءارى مۇندا كەلۋشىلەرگە قولايلى جاعداي جاسالعان, وزىنە-ءوزى قىزمەت كورسەتۋ بۇرىشى ۇيىمداستىرىلىپتى. سونداي-اق مۇمكىندىگى شەكتەۋلى جاندارعا دا ىڭعايلى جاعداي قاراستىرىلعان.
- پرەزيدەنت قاسىم-جومارت توقاەۆتىڭ حالىققا ارناعان جولداۋىندا ايتىلعانداي, وبلىستا «حالىق ۇنىنە قۇلاق اساتىن مەملەكەت» تۇجىرىمداماسىن ورىنداۋ قولعا الىنعان. وسى مىندەت شەڭبەرىندە اۋدان ورتالىعىنان «سەرۆيستىك اكىمدىك» جوباسىن ىسكە قوستىق. بۇل – مەملەكەتتىك ورگان كورسەتەتىن مەملەكەتتىك قىزمەت تۇرلەرىنىڭ اشىقتىعىن قامتاماسىز ەتۋ ماقساتىندا جۇزەگە اسىپ وتىر. ەندى اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ عيماراتىندا ورنالاسقان «سەرۆيستىك اكىمدىك» كەڭسەسىندە سىبايلاس جەمقورلىق دەڭگەيىن قىسقارتۋعا, اۋدانداعى ازاماتتاردىڭ مەملەكەتتىك بيلىك ينستيتۋتتارىنا سەنىمىن ارتتىرۋ نەگىز بولاتىن جۇمىس اتقارىلماق. وسى جەردە «جەتىسۋ- ادالدىق الاڭى» كەڭسەسى جۇمىس ىستەيدى. بۇل جوبالىق كەڭسەدە جەرگىلىكتى اتقارۋشى ورگاندار مەن ءبولىم قىزمەتكەرلەرىنىڭ قىزمەتى ۇيىمداستىرىلاتىن بولادى, - دەيدى اقسۋ اۋدانىنىڭ اكىمى ەسىم بازارحانوۆ.