ءساۋىر ايىندا تىركەلگەن كولىكتەر سانى كۇرت ازايعان

«قازاۆتوپروم» تاراتقان مالىمەتكە سۇيەنسەك, بيىل ەسەپكە قويىلعان كولىك قۇرالدارىنىڭ سانى 3,3 مىڭ بىرلىككە جەتتى. بۇل وتكەن جىلعى كورسەتكىشپەن سالىستىرعاندا 38,8 پايىز تومەن. ونىڭ ىشىندە 3 مىڭ بىرلىك قايتالاما نارىقتا قايتا ساتىلعان كولىكتەر. سونىمەن قاتار, قاڭتار-ساۋىردە 318,4 مىڭ بىرلىك كولىك ەسەپكە قويىلدى, بۇل وتكەن جىلدىڭ سايكەس كورسەتكىشىنەن 29,7% - عا كەم.

العاشقى تىركەلەتىن كولىك قۇرالدارىنىڭ ۇلەسى 21,9 مىڭ بىرلىكتى قۇرادى. بۇل كورسەتكىش وتكەن جىلمەن سالىستىرعاندا 19,7% -عا كەم. سونىمەن قاتار ءتورت اي ىشىندە 11 ەلەكتروموبيل تىركەلگەن.

سونىمەن قاتار ەسەپتى كەزەڭدە قايتا تىركەلگەن كولىك قۇرالدارىنىڭ ۇشتەن ەكىسى (69%) قولدانىلعانىنا 10 جىلدان اسقان كولىكتەر.

ەڭ ۇلكەن ۇلەسكە 20 جاستان اسقان كولىك قۇرالدارى (43% نەمەسە 127 570 بىرلىك), 11 جاستان 20 جاسقا دەيىنگى – 25,9% (76 941 بىرلىك), ءتورت جاستان جەتى جاسقا دەيىنگى – 16,8% (49 759 بىرلىك), سەگىز جاستان 10 جاسقا دەيىنگى – 9,7% (28 868 بىرلىك), ءبىر جاستان ءۇش جاسقا دەيىنگى – 4,4% (13 102 بىرلىك),قولدانىلعانىنا 1 جىلعا تولماعان كولىك ۇلەسى – 0,1% (331 بىرلىك) قۇرايدى.