كەزىندە الماتىنىنىڭ «قايرات» فۋتزال كلۋبىندا ويناپ, ورەلى ونەرىمەن كەزگە تۇسكەن ۋمبەرتو فرانتسيانىڭ «اكسەسس» كلۋبىنا اۋىستى.
ايتۋلى ويىنشىنىڭ تولىق ەسىمى – فرانسيسكو ۋمبەرتو دە اراۋجو الۆەس. 1986 جىلى برازيليانىڭ سان-پاۋلۋ قالاسىندا تۋىپ-وسكەن ول العاشىندا ءوز ەلىندەگى «سۋسانو», «گۋارۋليۋس», «سان-كاەتانو», «مالۆي» جانە «كرونادا» ونەر كورسەتتى. ودان كەيىن ءنوۆوسىبىردىڭ «سيبيرياك» كلۋبىندا وينادى. 2013 جىلى قازاقستانعا قونىس اۋدارىپ, «قايراتتىڭ» جەيدەسىن كيدى. الماتىلىق كوماندا ساپىندا بىرنەشە مارتە ەل چەمپيونى اتانىپ, ۋەفا كۋبوگى مەن الەم سۋپەركۋبوگىن يەلەندى. سوڭعى كەزدەرى ايتۋلى شابۋىلشى يسپانيا مەن رەسەي چەمپيوناتتارىندا ونەر كورسەتتى. ال كۇنى كەشە ۋمبەرتونىڭ «اكسەسسكە» اۋىسقانى بەلگىلى بولدى.
الدىنا بيىك ماقسات قويعان اتالمىش كوماندا قازىرگى كەزدە ءوز قاتارىنا مىقتى ويىنشىلاردى جيۋدا. ۋمبەرتودان بۇرىن «اكسەسس» كلۋبىمەن يسپانيانىڭ قوس شوق جۇلدىزى – ريكاردينيۋ مەن كارلوس ورتيس جانە ايگىلى باپكەر حەسۋس ۆەلاسكو كەلسىمشارتقا وتىرعان بولاتىن.