ەلوردادا مەديتسينا ۇيىمدارىنىڭ باسشىلارى 2020-2025 جىلدارعا ارنالعان قازاقستاننىڭ دەنساۋلىق ساقتاۋ جۇيەسىن دامىتۋ مەملەكەتتىك باعدارلاماسىن جۇزەگە اسىرۋ اياسىندا مەملەكەت باسشىسىنىڭ تاپسىرمالارىن ورىنداۋ بويىنشا مىندەتتەردى تالقىلادى. بۇل تۋرالى ەلوردا اكىمدىگىنىڭ سايتى حابارلادى.
- ءبىرىنشى توقساننىڭ قورىتىندىسى بويىنشا نۇر-سۇلتاندا ءسابي ءولىمى 53%-عا ازايدى,- دەپ حابارلادى قالا اكىمىنىڭ ورىنباسارى باقتيار ماكەن دەنساۋلىق ساقتاۋ مەكەمەلەرى مەن مەديتسينا ۇيىمدارى باسشىلارىمەن بولعان جيىندا.
دەگەنمەن, قالا باسشىلىعى بوسانۋ ۇيىمدارىنىڭ جۇمىسىن بۇدان دا جاقسارتۋ قاجەت دەپ سانايدى. ءبىرىنشى توقسان بويىنشا تۋ كورسەتكىشى – 7 241 بالا. بۇل وتكەن جىلدىڭ سايكەس كەزەڭىنەن 264 بالاعا كوپ. سونىمەن بىرگە نارەستە ءولىمىنىڭ دەڭگەيى بىلتىرعى 6,7-گە قاراعاندا 3,7-ءنى قۇرادى.
جيىن بارىسىندا مەديتسينا ۇيىمدارىنىڭ باسشىلارى ءجىتى ميوكارد ينفاركتى, ءجىتى ينسۋلت, ونكولوگيالىق اۋرۋلار جانە جاراقاتتار مەن جازاتايىم وقيعالار كەزىندە مەديتسينالىق كومەك كورسەتۋدىڭ ينتەگراتسيالانعان مودەلىن ەنگىزۋ بويىنشا جول كارتالارىنىڭ ورىندالۋى, سونداي-اق بوساندىرۋ كەزىندە كورسەتىلەتىن مەديتسينالىق قىزمەتتەر ساپاسىن باعالاۋ ينديكاتورلارىنىڭ ورىندالۋى جانە مەديتسينالىق الەۋمەتتىك ساقتاندىرۋ ماسەلەلەرى تۋرالى باياندادى.
قالا اكىمىنىڭ ورىنباسارى بيلىك پەن مەديتسينا مەكەمەلەرىنىڭ الدىندا COVID-19 تارالۋىنىڭ الدىن الۋ جانە كوروناۆيرۋسپەن اۋىراتىن ناۋقاستاردى ەمدەۋ بويىنشا جاۋاپتى مىندەت تۇرعانىن ەسكە سالدى.
نۇر-سۇلتان قالاسىندا دەنساۋلىق ساقتاۋ سالاسىن دامىتۋدىڭ مەملەكەتتىك باعدارلاماسىن ىسكە اسىرۋ اياسىندا 24 ينديكاتور انىقتالعان. ولاردىڭ كوپشىلىگىنە ءبىرىنشى توقساندا قول جەتكىزىلدى.