ەكىنشى دۇنيەجۇزىلىك سوعىستىڭ 75 جىلدىعى قارساڭىندا ەلوردادا «جەڭىس داۋىسى» اتتى جاڭا مۋزىكالىق چەللەندج باستالدى. نۇر-سۇلتان قالاسى اكىمدىگىنىڭ مەملەكەتتىك اكادەميالىق فيلارمونياسى سوليستەرى ايگىلى «دەن پوبەدى» ءانىن ورىندادى. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلادى.
چەللەندجدى العاش بولىپ ەڭبەك سىڭىرگەن مادەنيەت قايراتكەرى ەستاي مۇقاشەۆ باستادى. ءانشى قازاقستاندىقتاردى جەڭىس كۇنىمەن قۇتتىقتاپ, سوعىس ونىڭ دا وتباسىن اينالىپ وتپەگەنىن اتاپ ءوتتى. مايداندا اتاسى مەن اكەسىنىڭ ەكى ءىنىسى قازا تاپقانىن تىلگە تيەك ەتتى.
ءوز كەزەگىندە ول بەلگىلى ءاندى شىرقاپ, چەللەندجدى ارىپتەستەرىنە جولدادى. ەستافەتانى نۇر-سۇلتان مەملەكەتتىك اكادەميالىق فيلارمونياسىنىڭ ءانشىسى, «دارىن» مەملەكەتتىك جاستار سىيلىعىنىڭ لاۋرەاتى نۇربول بالاپانوۆ جالعاستىرىپ, ارىپتەستەرىن قولداۋعا شاقىردى.
اتالعان مۋزىكالىق چەللەندجگە نيەت بىلدىرۋشىلەردىڭ بارلىعى قاتىسا الادى. ول ءۇشىن ءوز جۇمىسىڭىزدى الەۋمەتتىك جەلىلەردە #9مايا #9مامىر #گولوسپوبەدى #جەڭىسكۇنى حەشتەگى ارقىلى جاريالاۋىڭىز قاجەت.
ايتا كەتسەك, ەكىنشى دۇنيەجۇزىلىك سوعىس جىلدارىندا 1 ميلليون 200 مىڭ قازاقستاندىق مايدانعا اتتاندى. ولاردىڭ جارتىسى ەلگە ورالمادى. سوعىسقا قاتىسقان 700 مىڭنان استام قازاقستاندىق ەڭبەك ارمياسى مەن ارنايى قۇرىلىس بولىمدەرىنە شاقىرىلدى. قازىرگى ۋاقىتتا ەلوردادا 44 سوعىس ارداگەرى تۇرادى.