سوڭعى كەزدەرى اقتوبە وبلىسىندا وزدەرىنىڭ كاسىبىن اشۋ ءۇشىن اۋىل تۇرعىندارى تاراپىنان نەسيە الۋ مەن راسىمدەۋگە دەگەن الۋعا قۇلشىنىس ءوسىپ وتىرعانى بايقالادى. بۇل جونىندە egemen.kz تىلشىسىنە «اۋىل شارۋاشىلىعىن قولداۋ قورى» اق اقتوبە وبلىستىق فيليالىنىڭ ديرەكتورى گۇلجانات ەرعازينا حابارلادى.
ونىڭ ايتۋىنشا بيىلعى جىلى وسى قارجى ۇيىمى ارقىلى «ديپلوممەن اۋىلعا» باعدارلاماسى بويىنشا ەڭبەك جولىن باستاعان جاس ماماندارعا ءبىر ميلليارد 200 ميلليون تەڭگە نەسيە بەرىلمەك. سونداي-اق «ەڭبەك» باعدارلاماسى ارقىلى ءوز ءىسىن باستاۋعا بەل بۋعان اۋىل تۇرعىندارى دا ارزان نەسيەنىڭ يگىلىگىن كورە الادى. ونىڭ جالپى قورى 3 ميلليارد تەڭگە توڭىرەگىندە.
تاعى ءبىر اتاپ وتەرلىك ماسەلە «اۋىل شارۋاشىلىعىن قولداۋ قورىنا» توتەنشە جاعداي كەزىندە شارۋالارىن جۇرگىزە الماعاندىقتان العان نەسيەسىن تولەي الماعان 166 ازاماتتان ارىز تۇسسە, 150 ازاماتتىڭ قارىزدارى ءۇش ايعا شەگەرىلدى. «اگرارلىق نەسيە كورپوراتسياسى» اق اقتوبە وبلىستىق فيليالىنىڭ ديرەكتورى ميرجان بەكمۇحامبەتوۆتىڭ ايتۋىنشا قازىردە «قاراپايىم زاتتار ەكونوميكاسى» باعدارلاماسى بويىنشا ارپا, بيداي, كوكونىس وسىرگىسى كەلەتىن اۋىل ادامدارى دا نەسيە راسىمدەي الادى. مۇنىڭ قايتارۋ مەرزىمى – 180 كۇن. ەڭ ۇلكەن نەسيەلەۋ سوماسى – 4 ميلليون تەڭگە.
وسى جانە باسقا باعدارلامالارى ارقىلى كوپ بالالى نەمەسە از قامتىلعان وتباسىلار جىلدىق تولەم مولشەرى 4 پايىز بولاتىن نەسيە راسىمدەپ ول قارجىعا كوكونىس ءوسىرىپ مال نە تەحنيكا ساتىپ الا الادى.