ماقتاارال اۋدانىنداعى سۋ تاسقىنىنان زارداپ شەككەندەرگە شىمكەنتتىكتەر دە كومەك كورسەتۋدە. سوڭعى مالىمەتتەر بويىنشا, شىمكەنتتەن ماقتاارالعا قوسىمشا 10 سۋ سورعىش تەحنيكاسى جىبەرىلدى.
ايتا كەتەرلىگى, بۇگىن تاڭەرتەڭ ساعات 06:00-دە شىمكەنت قالاسىنىڭ توتەنشە جاعدايلار دەپارتامەنتىنىڭ تاراپىنان تۇركىستان وبلىسى ماقتاارال اۋدانىنا اۆاريالىق-قۇتقارۋ جۇمىستارىن جۇرگىزۋگە قوسىمشا ارنايى جانە قوسالقى تەحنيكالار مەن جەكە قۇرام جىبەرىلگەن بولاتىن.
كومەككە جىبەرىلگەن تەحنيكالاردىڭ ىشىندە اسو 20, اتس – 2, ۋاز ماركالى 4 تەحنيكا, مپ-100 ماركالى 6 موتوپومپا بار.
ماقتاارال اۋدانىنداعى سۋ باسۋ جاعدايىنا بايلانىستى 2020 جىلعى 2-5 مامىر ارالىعىندا شىمكەنت قالاسىنان سۋ باسقان ەلدىمەكەندەردەگى اۆاريالىق-قۇتقارۋ جۇمىستارىن جۇرگىزۋگە 40 ادام جەكە قۇرام, 8 تەحنيكا, 1 كۆادروكوپتەر جانە 4 دانا ءجۇزۋ قۇرالدارى (1 موتورلى جانە 3 ۇرلەمەلى قايىق) 2-ءشى ەشەلون ەسەبىمەن جولداندى. وسى ارالىقتا قۇتقارۋشىلار اۋدانداعى سۋ باسقان ەلدىمەكەندەردە 70 ادامدى, ولاردىڭ م ۇلىكتەرىن قاۋىپسىز جەرگە ەۆاكۋاتسيالاۋ جۇمىستارىن جۇرگىزىپ, ءىرى جانە ۇساق مالداردى قۇتقاردى.
سونىمەن قاتار جەرگىلىكتى اتقارۋشى ورگاندارى تاراپىنان 4 مامىر كۇنى ماقتاارال اۋدانىنا ينجەنەرلىك جۇمىستاردى جۇرگىزۋ ءۇشىن 30 ارنايى تەحنيكا جىبەرىلگەن.
شىمكەنت