ازىرگە ىشكى-سىرتقى نارىق بۇل قىمباتاۋدىڭ قاشانعا دەيىن جالعاساتىنىن بىلمەي, ىشتەن تىنىپ تۇر.
1 مامىردان باستاپ مۇناي ءوندىرۋدى شەكتەۋ تۋرالى وپەك + كەلىسىمى كۇشىنە ەنگەننەن كەيىن Brent ەتالونىنىڭ باعاسى 5 دوللاردان استام قىمباتتادى. بۇگىن تاڭەرتەڭ وتكەن اۋكتسيوندا Brent فيۋچەرستەرىنىڭ باعاسى باررەلىنە 31,01 دوللارعا دەيىن ءوستى, ال WTI قۇنى باررەلىنە 24,58 دوللارعا دەيىن كوتەرىلدى.
جالپى, 28 ساۋىردەن 5 مامىرعا دەيىن سولتۇستىك تەڭىزدەگى ەتالوندىق مۇناي باعاسى 10 دوللارعا قىمباتتادى.
ساراپشىلار شيكىزات باعاسىنىڭ وڭ ديناميكاسىن ەكسپورتتاۋشى 23 ەلدە مۇناي ءوندىرىسىن تاۋلىگىنە 9,7 ملن باررەلگە قىسقارتۋ تۋرالى 1 مامىرداعى وپەك + كەلىسىمىنىڭ كۇشىنە ەنۋىنە بايلانىستى بولۋى مۇمكىن دەپ بولجاپ وتىر. سەبەبى سوڭعى جەتى كۇندەگى جاعداي نارىقتاعى سۇرانىس پەن ۇسىنىستىڭ تەپە-تەڭدىگىن قالپىنا ء تۇسىپ كەلە جاتىر دەگەن باتىلىراق ايتۋعا بولادى. سونىمەن قاتار, جاقىندا «شەۆرون», «ەكسونموبيل» جانە باسقا دا ءىرى مۇناي وندىرۋشىلەر فيۋچەرستەر باعاسىنا جاعىمدى اسەر ەتۋى مۇمكىن بيىلعى جىلى ءوندىرىستى قىسقارتۋ تۋرالى جوسپارلارىن جاريالادى.
«Goldman Sachs مۇنايعا الەمدىك سۇرانىستىڭ بىرتىندەپ قالپىنا كەلۋىن كۇتىپ, 2021 جىلى WTI ماركالى مۇناي باعاسىنىڭ باررەلىنە 48,50 دوللاردان 51,38 دوللارعا دەيىن كوتەردى» دەپ جازادى Oilprice اقپاراتتىق پورتالى.
ەستەرىڭىزگە سالا كەتەيىك, 12 ساۋىردە وپەك + اياسىندا مۇناي ەكسپورتتاۋشى ەلدەر وسى جىلدىڭ مامىر-ماۋسىم ايلارىندا ءوندىرىستى تاۋلىگىنە 9,7 ملن باررەلگە قىسقارتۋ تۋرالى كەلىسىم جاساستى. كەلەسى جارتىجىلدىقتا ءوندىرىستىڭ كەلىسىلگەن تومەندەۋى 7,7 ميلليونعا جەتەدى, ءارى قاراي, 2021 جىلدىڭ 1 قاڭتارىنان 2022 جىلدىڭ 30 ساۋىرىنە دەيىن كۇندەلىكتى تومەندەۋ 5,8 ميلليون باررەلگە دەيىن ازايادى.
قازاقستان ءوندىرىستى وتكەن جىلدىڭ قازان ايىندا كۇشىنە ەنگەن 1,7 ميلليون باررەل دەڭگەيىنەن تاۋلىگىنە 390 مىڭ باررەلگە ازايتۋعا مىندەتتەمە الدى.