ينۆەستورلاردىڭ كومپانيا اكتسياسىنا دەگەن قىزىعۋشىلىعى ارتىپ كەلەدى. بىراق ساراپشىلار, سوعان قاراماستان, اكتسياسىن ساتىپ الۋعا ۇسىنىس ايتىپ وتىر.
بيرجاداعى (LSE جانە KASE) KAZ Minerals اكتسيالارى باعاسى قىمباتتايتىنىن ايتىپ وتىر. سەبەبى جاھاندىق ەكونوميكانىڭ كۇرە تامىرىنا قان جۇگىرە باستادى, ءبىراز ەلدەر كارانتينگە بايلانىستى شەكتەۋلەردى السىرەتتى.
بولجام
KAZ Minerals PLC
تيكەر - GB_KZMS.
پوتەنتسيال - 12,55%.
قازىرگى باعاسى - 2250 تەڭگە.
ماقساتتى باعا - 2532 تەڭگە.
نەلىكتەن ساتىپ الۋ كەرەك؟
2019 جانە 2020 جىلدىڭ ءبىرىنشى توقسانىنداعى ناتيجە جاقسى. KAZ Minerals 2019 جىلعا ارنالعان وپەراتسيالىق ناتيجەسى كۇتكەن ۇمىتتەن اسىپ كەتتى. 2020 جىلدىڭ ءبىرىنشى توقسانىنىڭ قورتىندىسى بويىنشا ءوندىرىس 7% ءوسىپ, 74,9 مىڭ تونناعا جەتتى.
بوزشاكول كەن ورنىنداعى رۋدا ءوندىرىسىنىڭ ۇلعايۋى ەسەبىنەن التىن ءوندىرىسى 28% -عا ءوستى. سونىمەن قاتار, كومپانيا قىتايمەن شەكارادا ءبىرشاما كىدىرىستەرگە قاراماستان ءوز كليەنتتەرىنە ساتۋدى جالعاستىردى.
وسىلايشا, بىرنەشە ەلدەر كارانتيندى السىرەتۋگە نيەت بىلدىرگەن كەزدە ينۆەستورلاردىڭ دا تابەتى ارتىپ كەتتى. اكتسيا باعاسىنىڭ قىمباتتاپ كەتۋ سەبەبى دە وسى.
جاقىندا مىس كوتيروۆكالارى 4-ساعاتتىق دياگرامماعا سايكەس 50 كۇندىك قوزعالمالى ورتاشا دەڭگەي مەن 200 كۇندىك ورتاشا دەڭگەيدەن اسىپ كەتكەنىن كورسەتتى. بۇل باعانىڭ تۇزەلىپ كەلە جاتقانىن راستايدى. وسىعان بايلانىستى KAZ Minerals مىس پەن التىن ءوندىرىسىن ارتتىرۋعا شەشىم قابىلدادى.
ءبىرىنشى توقساننىڭ قورىتىندىسى بويىنشا KAZ Minerals توبى 74,9 مىڭ توننا مىس ءوندىردى, بۇل وتكەن جىلدىڭ سايكەس كەزەڭىمەن سالىستىرعاندا 7% -عا كوپ. التىن ءوندىرۋ 28% -عا, 55,4 مىڭ ۋنتسياعا دەيىن ءوستى.
«التىننىڭ تۇراقتى ءوندىرىسى بوزشاكول وڭدەۋ زاۋىتىنىڭ جوعارى وندىرىستىك دەڭگەيىنىڭ وسۋىنە بايلانىستى قول جەتتى» دەپ اتاپ ءوتتى كومپانيا.
سونىمەن بىرگە, كوروناۆيرۋستىق پاندەميا اسەرىنەن الەمدەگى ەكونوميكالىق پروبلەمالارعا قاراماستان, KAZ Minerals مىس ءوندىرۋدىڭ جىلدىق جوسپارىن وزگەرتپەدى, ونى 280-300 مىڭ توننا دەڭگەيىندە قالدىردى.
ءبىرىنشى توقساننىڭ قورىتىندىسى بويىنشا KAZ Minerals توبى 74,9 مىڭ توننا مىس ءوندىردى, بۇل وتكەن جىلدىڭ سايكەس كەزەڭىمەن سالىستىرعاندا 7% -عا كوپ. التىن ءوندىرۋ 28% -عا, 55,4 مىڭ ۋنتسياعا دەيىن ءوستى. التىننىڭ تۇراقتى ءوندىرىسى بوزشاكول وڭدەۋ زاۋىتىنىڭ جوعارى وتكىزۋ قابىلەتتىلىگىمەن بايلانىستى, دەپ اتاپ ءوتتى كومپانيا. سونىمەن بىرگە, كوروناۆيرۋستىق پاندەميا اسەرىنەن الەمدەگى ەكونوميكالىق پروبلەمالارعا قاراماستان, KAZ Minerals مىس ءوندىرۋدىڭ جىلدىق جوسپارىن وزگەرتپەدى, ونى 280-300 مىڭ توننا دەڭگەيىندە قالدىردى.
قاڭتار-ناۋرىز ايلارىندا ەڭ كوپ ءوندىرىس كولەمىن اقتوعاي كەن ورنى بەردى - 33,3 مىڭ توننا, الايدا بۇل وتكەن جىلدىڭ ءبىرىنشى توقسانىنداعى ءوندىرىس كولەمىنەن 9% -عا تومەن. «تومەندەۋ فابريكالارعا جوسپارلى تەحنيكالىق قىزمەت كورسەتۋ جانە قالپىنا كەلتىرۋدىڭ تومەن دەڭگەيىمەن بايلانىستى », - دەپ ءتۇسىندىردى كومپانيا.
سوعان قاراماستان, كومپانيا اقتوعاي جىل سوڭىنا دەيىن 120-130 مىڭ توننا مىس وندىرەدى دەپ سانايدى.
وتكەن جىلمەن سالىستىرعاندا بوزشاكول كەن ورنىنداعى مىس ءوندىرىسى 25% -عا 29,8 مىڭ تونناعا دەيىن ءوستى. التىن ءوندىرىسى ودان دا جاقسى. ونىڭ كولەمى 42,3 مىڭ ۋنتسياعا دەيىن ءوستى, بۇل وتكەن جىلدىڭ ءبىرىنشى توقسانىمەن سالىستىرعاندا 41% -عا كوپ.
ءوندىرىستىڭ ءوسۋى شىعىس قازاقستان وبلىسىنىڭ تاۋ-كەن كاسىپورىندارىندا جانە قىرعىزستانداعى بوزىمچاك كەن ورنىندا دا بايقالدى. جالپى, بۇل كەن ورىندارىندا 11,8 مىڭ توننا مىس ءوندىرىلدى, بۇل ءبىر جىل بۇرىنعى كورسەتكىشتەن 24% جوعارى.
KAZ Minerals PLC - بۇل قازاقستان, قىرعىزستان جانە رەسەيدە جۇمىس ىستەيتىن حالىقارالىق تابيعي رەسۋرستار كومپانياسى. مىس وندىرۋمەن جانە ساتۋمەن اينالىسادى. رۋدا وندىرۋدەن باستاپ دايىن مەتالل وندىرۋگە دەيىنگى جۇمىستىڭ تولىق تسيكلىن ورىندايدى. مىس ءوندىرۋ بولىمشەسى ءوندىرىستىڭ جاناما ءونىمى بولىپ تابىلاتىن مەتالداردى, سونىڭ ىشىندە مىرىش, كۇمىس جانە التىن وندىرەدى.