پرەمەر-مينيستر اسقار مامين قاراعاندى وبلىسىنا جۇمىس ساپارى كەزىندە «نۇرلى جول» جانە «نۇرلى جەر» مەملەكەتتىك باعدارلاماسىنىڭ ىسكە اسىرىلۋ بارىسىن تەكسەردى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
ۇكىمەت باسشىسى جالپى ۇزىندىعى 363 شاقىرىم بولاتىن «قاراعاندى – بالقاش» اۆتوجولىنىڭ رەكونسترۋكتسياسىمەن تانىستى. جوندەۋ جۇمىستارىنا 1800 جۇمىسشى مەن 900-گە جۋىق تەحنيكا تارتىلعان.
بيىل بارلىق جول بويىنداعى جاڭا جابىنى بويىنشا جول قوزعالىسىن اشۋدى قامتاماسىز ەتۋ, سونداي-اق 297 سۋ وتكىزەتىن قۇبىر, 17 كوپىر, جول ايرىعىندا ەكى جولوتكەل جانە اۋىل شارۋاشىلىعى تەحنيكاسىنىڭ ءوتۋى ءۇشىن 33 جولوتكەل سالۋ جوسپارلانعان.
بيىل «نۇرلى جول» مەملەكەتتىك باعدارلاماسى اياسىندا قاراعاندى وبلىسىندا جول قۇرىلىسى جۇمىستارىمەن بارلىعى 800 شاقىرىمنان استام جول قامتىلاتىن بولادى.
پرەمەر-مينيستر جول قۇرىلىسى جۇمىستارىنىڭ قارقىنىن كۇشەيتۋدى تاپسىردى جانە قۇرىلاتىن جول ينفراقۇرىلىمىنىڭ ساپاسىن قامتاماسىز ەتۋدىڭ ماڭىزدىلىعىن اتاپ ءوتتى.
بالقاش قالاسىندا ا. مامين «نۇرلى جەر» باعدارلاماسى اياسىنداعى الەۋمەتتىك تۇرعىن ءۇيدىڭ سالىنۋ بارىسىمەن, سونداي-اق اۋەجايدى رەكونسترۋكتسيالاۋ جانە ءوڭىردىڭ تۋريستىك الەۋەتىن ارتتىرۋ جوباسىمەن تانىستى.
سونىمەن قاتار ۇكىمەت باسشىسى «Kazakhmys Smelting» جشس بالقاش مىس بالقىتۋ زاۋىتىنا باردى, وندا ءوندىرىس پروتسەسىمەن جانە كاسىپورىندى ودان ءارى دامىتۋ جوسپارىمەن تانىستىرىلدى.