جاسىراتىنى جوق, قاشىقتان وقىتۋ جۇيەسىنە بايلانىستى كوپ سىن ايتىلدى. اسىرەسە ءبىلىم بەرۋدىڭ بۇل ۇلگىسى قولدانىسقا ەنبەي تۇرىپ سىننان كوز اشپادى. كوپشىلىك بولعان سوڭ الۋان پىكىردىڭ بولاتىنى انىق. بىراق ءبىز بۇل قادامعا ىندەتتىڭ تارالۋىنا جول بەرمەۋ ءۇشىن بارعانىمىزدى ۇمىتپاۋىمىز قاجەت.
مىنە, «Egemen Qazaqstan» گازەتىنە بەرگەن سۇحباتىندا ەل پرەزيدەنتى ق.توقاەۆ وسى ماسەلەگە كەڭىرەك توقتالىپتى. شىنىندا قازىرگىدەي كارانتين جاعدايىندا بۇل وقىتۋ جۇيەسىنە بالاما جوق. ەندى پرەزيدەنت ايتقانداي, قاشىقتان وقىتۋ جۇيەسىن ءالى دە جەتىلدىرە ءتۇسۋ قاجەت. ءيا, العاشىندا ينتەرنەتتىڭ جىلدامدىعىنا بايلانىستى ۇستازدار مەن اتا-انالاردىڭ اراسىندا ءبىراز تۇسىنىسپەۋشىلىك بولعانى راس. بىراق بىرتە-بىرتە بۇل ماسەلە دە ورايىن تاۋىپ, قاشىقتان وقىتۋ قازىر قالىپقا ءتۇستى.
توتەنشە جاعدايدىڭ اۋىرتپالىعى بارلىق سالانىڭ ماماندارىنا تۇسۋدە. سولاردىڭ ىشىندە دارىگەر, مۇعالىم, پوليتسيا قىزمەتكەرلەرى, اقپارات قۇرالدارىنىڭ وكىلدەرى ەرەكشە بەلسەندىلىك تانىتۋدا. كارانتين كەزىندە ۇيدە وتىرىپ, بالالارعا ءبىلىم بەرۋدەمىز. ايتەۋىر بالالاردىڭ ءبىلىم الۋعا دەگەن ىقىلاسى, ىنتا-جىگەرى جامان ەمەس. ءۇي تاپسىرماسىنا جاۋاپكەرشىلىكپەن قارايدى. پرەزيدەنت ءوز سۇحباتىندا قاشىقتان وقىتۋدىڭ ۋاقىتشا قيىندىق ەكەنىن ايتىپ, وقۋ جىلىنىڭ ويداعىداي اياقتالاتىنىنا سەنىم ءبىلدىرىپتى.
ادامنىڭ نەگىزگى قۇندىلىعى – ءبىلىم, ال ءبىلىمدى ۇرپاق – ۇلت بايلىعى ەكەنى بارىڭىزگە بەلگىلى. ء«بىلىمسىز حالىق قانشا باي بولسا دا, بايلىعى باسقا حالىقتىڭ قولىنا كوشەدى» دەپ الاش كوسەمى احمەت بايتۇرسىن ۇلىنىڭ بىلىكتىلىكپەن ايتقان ءسوزى بۇگىنگى تاڭدا دا ءوزىنىڭ ءمانىن جوعالتقان جوق. پرەزيدەنت ق. توقاەۆ مۇعالىمدەردىڭ وسىناۋ قىسىلتاياڭ ساتتەگى ەڭبەگىن باعالاپ, سۇحبات بارىسىندا ۇستازدار قاۋىمىنا العىس ءبىلدىرۋى كەۋدەمدە ماقتانىش سەزىمىن وياتىپ, كۇش-جىگەر بەردى.
سەرىك تولەنديەۆ,
م.مامەتوۆا اتىنداعى جالپى ورتا ءبىلىم بەرۋ مەكتەبىنىڭ مۇعالىمى
شىمكەنت