بريتاندىق Matchroom Boxing پروموۋتەرلىك كومپانياسى تالانتتى قازاقستاندىق بوكسشى دانيار ەلەۋسىنوۆ تۋرالى بەينەسيۋجەت جاريالادى. فيلمدە ەلەۋسىنوۆتىڭ كاسىبي مانسابىن باستاعان كەزى, ودان كەيىنگى دامۋى جانە رينگ سىرتىنداعى ساتتەرى كورسەتىلگەن.
قازاقستاننىڭ ماقتانىشىنا اينالعان دانيار ەلەۋسىنوۆ 2016 جىلى ريو وليمپياداسىندا توپ جارعاننان كەيىن باعىن كاسىپقوي بوكستا سىناپ كورۋگە بەل بۋدى. 2018 جىلى العاشقى جەكپە-جەگىن وتكىزگەن وتانداسىمىز بۇگىنگە دەيىن 9 رەت شارشى الاڭعا كوتەرىلىپ, بارلىق قارسىلاسىنان باسىم تۇسكەن. ونىڭ بەسەۋىن نوكاۋتپەن جەڭگەنىن دە ايتا كەتەيىك.
قانداسىمىز كەيىنگى كەزدەسۋىن 2019 جىلدىڭ 20 جەلتوقسانىندا مەكسيكالىق الان سانچەسكە قارسى وتكىزىپ, 5-راۋندتا سۇلاتىپ سالعان-دى. سونداي-اق ەلەۋسىنوۆ 17 ساۋىردە اقش-تىڭ مەريلەند شتاتىنداعى وكسون-حيلل قالاسىندا الەم ەكس-چەمپيونى ناميبيالىق بوكسشى دجۋليۋس يندونگوعا (23-2, 12 كو) قارسى بوكستاسۋى كەرەك ەدى. بىراق كوروناۆيرۋس پاندەمياسىنا بايلانىستى بوكس كەشى كەيىنگە شەگەرىلدى.