كوروناۆيرۋستىڭ كەسىرىنەن كاسىپقوي رەستلينگ ۇيىمى (WWE) قازىرگى كەزدە قارجى تاپشىلىعىن ايقىن سەزىنۋدە. سونىڭ سالدارىنان ولار وزدەرىنىڭ قاتارىنداعى كەيبىر سپورتشىلاردان ارىلۋدا.
بيۋدجەتتىڭ قىسقارۋىنا بايلانىستى WWE وزگەلەردى ايتپاعاندا, ايگىلى جەكپە-جەك شەبەرى كەين ۆەلاسكەستىڭ وزىمەن دە كەلىسىمشارتتى ۇزۋگە ءماجبۇر بولىپ وتىر. ال بۇل سپورتشىنىڭ ەسىمى تورتكۇل دۇنيەگە ءماشھۇر.
1982 جىلى اقش-تىڭ كاليفورنيا شتاتىندا تۋىپ-وسكەن كەين العاشقى كەزدەرى كيكبوكسينگ جانە برازيليالىق دجيۋ-دجيتسۋدى جەتىك مەڭگەردى. 2006 جىلدىڭ كۇزىندە ەرەجەسىز جەكپە-جەككە شىقتى. سول كەزدەن بەرى 17 كەزدەسۋ وتكىزىپ, 14 رەت جەڭىسكە جەتتى. 12 قارسىلاسىن نوكاۋتپەن ۇتتى. 2010 جىلدىڭ 23 قازانىندا بروك لەسناردى سوققىعا شىعىپ, اسا اۋىر سالماقتا UFC چەمپيونى اتاندى. 2011 جىلدىڭ قاراشاسىندا جۋنيور دۋس سانتۋستان جەڭىلىپ, التىن بەلبەۋدەن ايىرىلعانىمەن, 2012 جىلى ءدال سول سپورتشىعا سان سوقتىرىپ, قايتا چەمپيوندىق ءتاجدى يەلەندى.
ءوزىنىڭ سوڭعى جەكپە-جەگىن كەين ۆەلاسكەس بىلتىر 17 اقپاندا كامەرۋندىق فرانسيس نگۋانۋعا قارسى وتكىزىپ, نوكاۋتپەن ۇتىلعان بولاتىن.