ەسىمى بار قازاققا قادىرلى ميحايل ەسەناليەۆ كوزى ءتىرى بولسا 85 جاسىن تويلايدى ەكەن. وكىنىشكە قاراي, بەلگىلى ديپلومات بۇگىندە ارامىزدا جوق. ازان شاقىرىپ قويعان ەسىمى حاكىم, اكەسىنىڭ اتى تىلەگەن ەكەنىن كوپشىلىك بىلە بەرمەيتىن ميحايل يۆانوۆيچ رەسەيدىڭ ساراتوۆ وبلىسىنداعى پيتەركا اۋىلىندا دۇنيەگە كەلگەن. سانالى عۇمىرىن قازاق ەلىنىڭ كوركەيۋىنە, ءوسىپ-وركەندەۋىنە ارناعان اياۋلى ازاماتتى ەسكە الۋ ماقساتىندا ءال-فارابي اتىنداعى قازاق ۇلتتىق ۋنيۆەرسيتەتىندە عىلىمي-تاجىريبەلىك كونفەرەنتسيا بولىپ ءوتتى. كونفەرەنتسيا جۇمىسى عالىمنىڭ قىزمەتىنە ارنالعان «ەلدەستىرمەك ەلشىدەن» اتتى دەرەكتى ءفيلمنىڭ كورسەتىلىمىمەن باستالدى.
ەسىمى بار قازاققا قادىرلى ميحايل ەسەناليەۆ كوزى ءتىرى بولسا 85 جاسىن تويلايدى ەكەن. وكىنىشكە قاراي, بەلگىلى ديپلومات بۇگىندە ارامىزدا جوق. ازان شاقىرىپ قويعان ەسىمى حاكىم, اكەسىنىڭ اتى تىلەگەن ەكەنىن كوپشىلىك بىلە بەرمەيتىن ميحايل يۆانوۆيچ رەسەيدىڭ ساراتوۆ وبلىسىنداعى پيتەركا اۋىلىندا دۇنيەگە كەلگەن. سانالى عۇمىرىن قازاق ەلىنىڭ كوركەيۋىنە, ءوسىپ-وركەندەۋىنە ارناعان اياۋلى ازاماتتى ەسكە الۋ ماقساتىندا ءال-فارابي اتىنداعى قازاق ۇلتتىق ۋنيۆەرسيتەتىندە عىلىمي-تاجىريبەلىك كونفەرەنتسيا بولىپ ءوتتى. كونفەرەنتسيا جۇمىسى عالىمنىڭ قىزمەتىنە ارنالعان «ەلدەستىرمەك ەلشىدەن» اتتى دەرەكتى ءفيلمنىڭ كورسەتىلىمىمەن باستالدى.
م.ەسەناليەۆتىڭ ەسىمى ديپلومات رەتىندە عانا ەمەس, قازاق حالقىنىڭ وركەندەۋىنە, كوپۇلتتى مادەنيەتتىڭ دامۋىنا, قازاقستاننىڭ حالىقارالىق بايلانىسىنىڭ نىعايۋىنا ۇلكەن ۇلەس قوسقان ءىرى مەملەكەت قايراتكەرى رەتىندە كەڭىنەن تانىس. ول ادەبيەت پەن ونەر سالاسىنا دا ەڭبەك سىڭىرگەن ازامات. اسىرەسە, ەلىمىز ءوز تاۋەلسىزدىگىنە قول جەتكىزگەن العاشقى كەزەڭدەرى «ازات» ازاماتتىق قوزعالىسىن قۇرىپ, وعان جەتەكشىلىك ەتكەن كورنەكتى قوعام قايراتكەرى.
– بۇگىنگى كۇن ەلىمىز تاريحىنداعى ايتۋلى كۇندەردىڭ بىرىنە سانالماق, – دەدى كونفەرەنتسيادا ءسوز سويلەگەن سىرتقى ىستەر ءمينيسترى ە.ىدىرىسوۆ, – ويتكەنى, سىزدەر مەن بىزدەر حالقىمىز سانداعان عاسىر اڭساعان تاۋەلسىزدىك اتتى ۇلى ارمانعا قول جەتكىزۋىنە ءوزىنىڭ ءبىلىمى مەن بىلىگى, قايراتى مەن جىگەرى, ازاماتتىق بولمىسى مەن قايراتكەرلىك تۇلعاسى ارقىلى ولشەۋسىز ۇلەس قوسقان, ەگەمەندى ەلدىڭ ەرتەڭىنە ەركىن دە نىق قادام جاساۋىنا ايانباي ەڭبەك ەتكەن ءبىرتۋار ەل پەرزەنتىن ەسكە الىپ, ول تۋرالى وي-تۇجىرىمىمىزدى ورتاعا سالماقپىز. بۇل – ارىستارىن ارداقتاي بىلگەن, بىرلىگى ۇيىعان ەلگە ءتان قاسيەت. م.ەسەناليەۆ ەل ازاماتى, قاراپايىم حالىقتىڭ قامىن ويلاپ, تالاپ قويا بىلەتىن ۇلكەن پاراسات يەسى ەدى...
«تاۋەلسىزدىكتىڭ تاڭى اتىپ, تانىم كوكجيەگى كەڭەيە باستاعان تۇستا ۋاقىت سۇرانىسىنا ساي ءال-فارابي اتىنداعى قازاق ۇلتتىق ۋنيۆەرسيتەتىندە ءدارىس وقىپ, سان شاكىرتتى قانات قاقتىرعان ۇلاعاتتى ۇستازدىڭ ەسىمىن ءبىز ەشقاشان ۇمىتپاق ەمەسپىز. سونىڭ ءبىر بەلگىسى رەتىندە ۋنيۆەرسيتەتىمىز تاعىلىمدىق ءىستىڭ باسى ەتكەن «ونەگەلى ءومىر» اتتى سەريالىق كىتابىمىزدىڭ كەزەكتى شىعارىلىمىن مەملەكەت جانە قوعام قايراتكەرى م.ەسەناليەۆتىڭ 85 جىلدىق مەرەيتويىنا ارناپ وتىرمىز. ونىڭ عيبراتتى عۇمىرى وسكەلەڭ ۇرپاققا ۇلگى بولادى دەپ سەنەمىز», دەدى كونفەرەنتسيادا ءسوز سويلەگەن ۋنيۆەرسيتەت رەكتورى ع.مۇتانوۆ.
كونفەرەنتسيا جۇمىسىنا ديپلوماتيا اكادەمياسىنىڭ پروفەسسورى ت.سۇلەيمەنوۆ, ديپلوماتيالىق قىزمەت ارداگەرى س.قۇرمانعوجين, قوعام قايراتكەرى ش.جانىبەكوۆ, ميحايل ءيۆانوۆيچتىڭ زايىبى مايا ەسەناليەۆا, رەسەيدىڭ ساراتوۆ وبلىسىنان كەلگەن جەرلەستەرى, تۋىستارى, دوستارى, ارىپتەستەرى قاتىستى. ولار ميحايل ءيۆانوۆيچتىڭ ارۋاعىن ەسكە الىپ, ول تۋرالى ەستەلىكتەرىمەن ءبولىستى.
شارافاددين ءامىروۆ,
«ەگەمەن قازاقستان».
الماتى.