*الماتىدا نەگىزگى كاپيتالعا سالىنعان قارجى 260 ملرد. تەڭگەدەن استى. ونىڭ 2013 جىلعى قاڭتار-تامىز ايلارىنداعى كولەمى ناقتى 263 688,2 ملن. تەڭگەگە جەتتى. بۇل – وتكەن جىلدىڭ سايكەس كەزەڭىنەن 0,2 پايىزعا ارتىق.
*الماتىدا نەگىزگى كاپيتالعا سالىنعان قارجى 260 ملرد. تەڭگەدەن استى. ونىڭ 2013 جىلعى قاڭتار-تامىز ايلارىنداعى كولەمى ناقتى 263 688,2 ملن. تەڭگەگە جەتتى. بۇل – وتكەن جىلدىڭ سايكەس كەزەڭىنەن 0,2 پايىزعا ارتىق.
*سولتۇستىك قازاقستاندا استىق جيناۋعا 10 مىڭعا جۋىق كومباين تارتىلدى. وبلىستىق اۋىل شارۋاشىلىعى باسقارماسىنىڭ باستىعى سەرىكباي تۇرالينوۆتىڭ ايتۋىنشا, 16 قىركۇيەككە دەيىن 2071 مىڭ گەكتار جەردىڭ استىعى ورىلعان. مۇنىڭ ءوزى بارلىق القاپتىڭ 58 پايىزىن قۇرايدى.
*كەلەر جىلى وڭتۇستىك استانادا قازاقستان-سوربوننا فرانتسۋز ۋنيۆەرسيتەتى اشىلادى. كەشە الماتىدا اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى سەرىك پىراليەۆ پەن سوربوننا ۋنيۆەرسيتەتىنىڭ پرەزيدەنتى جان-فرانسۋا جيرار وسىنى راستاعان مەموراندۋمعا قول قويدى.
*اقتاۋدا «Aktau Opel Fest» فەستيۆالى مارەگە جەتتى. ەلىمىزدىڭ بارلىق وڭىرلەرىنەن سپورتشىلار مەن انشىلەر قاتىسقان شارانىڭ سوڭىندا ماڭعىستاۋ وبلىسىنىڭ اكىمى اليك ايدارباەۆ حالىقتىڭ كوڭىلىن كوتەرگەندەرى ءۇشىن ونى ۇيىمداستىرۋشىلارعا العىس ايتتى.
*ورالداعى وبلىستىق قازاق دراما تەاترى جانىنا قوبىزعا ەسكەرتكىش قويىلدى. بۇرىن سۋبۇرقاق تۇرعان جەرگە قونىس تەپكەن تاستۇعىر ەندى قالانىڭ قاسيەتتى مەكەندەرىنىڭ بىرىنە اينالدى.
*سەمەيدە 2016 جىلعا دەيىن كولىكتىك-لوگيستيكالىق ورتالىق سالىنادى. سول كەزدە كەشەن ارقىلى جىلىنا 11,5 ملن. توننا جۇك تاسىمالدانادى. ونى قۇرۋداعى باستى ماقسات تەك جۇكتەردى وڭدەۋ عانا ەمەس, سونداي-اق كەدەندىك راسىمدەۋ بولىپ وتىر.
*وڭتۇستىكتەگى سايرام اۋدانىنىڭ «ELNUR» تەلەارناسى ەفيرگە قايتا شىقتى. ون جىلعا جۋىق تاريحى بار كومپانيا جۋىردا عيماراتى ورتەنىپ كەتكەننەن كەيىن جۇمىسىن توقتاتىپ ەدى. ەندى ونىڭ قىزمەتكەرلەرى «نۇر وتان» پارتياسى عيماراتىنىڭ ءماجىلىس زالىنا ۋاقىتشا ورنالاستى.
«قازاقپارات», «قازاقستان جاڭالىقتارى», Bnews.kz, TengriNews, EgemenNews حابارلارى بويىنشا دايىندالدى.