حالىقارالىق شاحمات فەدەراتسياسى (فيدە) Chess.com پورتالىمەن بىرلەسە وتىرىپ, «Online Nations Cup» دەپ اتالاتىن كوماندالىق ءتۋرنيردى وتكىزەدى.
5-10 مامىر ارالىعىندا جالاۋى جەلبىرەيتىن جارىستا اقش, قىتاي, ءۇندىستان, رەسەي ەلدەرى جانە ەۋروپا مەن الەم قۇرامالارى جەكە-جەكە كوماندا جاساقتاپ, ءوزارا شەبەرلىك بايقاسادى. قازاقستاندىق جانكۇيەرلەر ءۇشىن ەڭ قۋانىشتى جاعداي, ەل ماقتانىشى دينارا سادۋاقاسوۆا الەم قۇراماسىنىڭ قوسالقى ويىنشىسى رەتىندە وسى سايىستا ونەر كورسەتەدى.
ال ايتۋلى كوماندانىڭ نەگىزگى قۇرامىندا ازىربايجاندىق تەيمۋر رادجابوۆ, يراندىق اليرەزا فيرۋدجا, مىسىرلىق باسسەم ءامين جانە ۋكراينالىق ماريا مۋزىچۋك سىندى ساقا شاحماتشىلار بار. كاپيتاندىق مىندەت فيدە پرەزيدەنتى اركادي دۆوركوۆيچكە جۇكتەلىپ وتىر.