ەلىمىزدە سوڭعى ۋاقىتتا كەشەندى تۇردە جۇزەگە اسىرىلىپ جاتقان اكىمشىلىك رەفورماسى بىرىنشىدەن, باسقارۋ جۇيەلەرىنىڭ بارلىق دەڭگەيىندە مەملەكەتتىك قىزمەتتىڭ تيىمدىلىگى مەن بەدەلىن ارتتىرۋعا باعىتتالعان. مەملەكەتتىك قىزمەتكەرلەردىڭ كاسىبي بىلىكتىلىگىن ارتتىرمايىنشا, بۇل ماقساتقا جەتۋ مۇمكىن ەمەس. سوندىقتان كادرلاردىڭ كاسىبي دايارلىعىن ارتتىرۋ, قايتا دايارلاۋ, كاسىبي بىلىكتىلىكتى جانە ماماندىقتى كوتەرۋ جۇيەلەرىن جەتىلدىرۋ قاجەت.
ەلباسى نۇرسۇلتان نازارباەۆ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىندا قازاقستاندىق قوعامدى دامىتۋدىڭ باسىمدىق بەرىلگەن ءبىر باعىتى رەتىندە مەملەكەتتىلىكتى نىعايتۋعا جانە قوعامعا قىزمەت ەتۋدىڭ ءوسكەلەڭ مىندەتتەرىنە جاۋاپ بەرەتىن مەملەكەتتىك باسقارۋدىڭ جاڭا جۇيەسىن قالىپتاستىرۋ ەكەندىگىن اتاپ كورسەتتى. وسىعان بايلانىستى مەملەكەت باسشىسى حالىققا جانە مەملەكەتكە قىزمەت ەتۋدى باستى پارىز سانايتىن كاسىبي مەملەكەتتىك اپپارات قۇرۋ تۋرالى مىندەت قويدى. بۇل رەتتە مەملەكەتتىك قىزمەتكەرلەردىڭ كاسىبي جانە ساپالىق دارەجەسىن ارتتىرۋ نەگىزگى مىندەت بولىپ تابىلادى.
ەلىمىزدە سوڭعى ۋاقىتتا كەشەندى تۇردە جۇزەگە اسىرىلىپ جاتقان اكىمشىلىك رەفورماسى بىرىنشىدەن, باسقارۋ جۇيەلەرىنىڭ بارلىق دەڭگەيىندە مەملەكەتتىك قىزمەتتىڭ تيىمدىلىگى مەن بەدەلىن ارتتىرۋعا باعىتتالعان. مەملەكەتتىك قىزمەتكەرلەردىڭ كاسىبي بىلىكتىلىگىن ارتتىرمايىنشا, بۇل ماقساتقا جەتۋ مۇمكىن ەمەس. سوندىقتان كادرلاردىڭ كاسىبي دايارلىعىن ارتتىرۋ, قايتا دايارلاۋ, كاسىبي بىلىكتىلىكتى جانە ماماندىقتى كوتەرۋ جۇيەلەرىن جەتىلدىرۋ قاجەت.
ەلباسى نۇرسۇلتان نازارباەۆ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىندا قازاقستاندىق قوعامدى دامىتۋدىڭ باسىمدىق بەرىلگەن ءبىر باعىتى رەتىندە مەملەكەتتىلىكتى نىعايتۋعا جانە قوعامعا قىزمەت ەتۋدىڭ ءوسكەلەڭ مىندەتتەرىنە جاۋاپ بەرەتىن مەملەكەتتىك باسقارۋدىڭ جاڭا جۇيەسىن قالىپتاستىرۋ ەكەندىگىن اتاپ كورسەتتى. وسىعان بايلانىستى مەملەكەت باسشىسى حالىققا جانە مەملەكەتكە قىزمەت ەتۋدى باستى پارىز سانايتىن كاسىبي مەملەكەتتىك اپپارات قۇرۋ تۋرالى مىندەت قويدى. بۇل رەتتە مەملەكەتتىك قىزمەتكەرلەردىڭ كاسىبي جانە ساپالىق دارەجەسىن ارتتىرۋ نەگىزگى مىندەت بولىپ تابىلادى.
الەمدىك تاجىريبەدە مەملەكەتتىك قىزمەتتەگى ادام كاپيتالىن باسقارۋ جۇيەسىندە كاسىبي بىلىكتىلىكتى دامىتۋ ءجانە وقىتۋ ماسەلەسىنە ەرەكشە باسىمدىق بەرىلەدى. وسىعان بايلانىستى «ستراتەگيا-2050» باعدارلاماسىنان تۋىنداعان باستى قاعيدالاردى ەسكەرە وتىرىپ, قازاقستان رەسپۋبليكاسى مەملەكەتتىك قىزمەت ىستەرى ءجونىندەگى اگەنتتىگىنىڭ استانا قالاسى بويىنشا دەپارتامەنتى ەلوردامىزداعى مەملەكەتتىك قىزمەتكەرلەردىڭ بىلىكتىلىگىن ارتتىرۋعا جانە ولاردى وقىتۋعا ەرەكشە ماڭىز بەرىپ وتىر. وسى رەتتە استانا قالاسىنىڭ ورتالىق جانە جەرگىلىكتى مەملەكەتتىك قىزمەت ورگاندارىنىڭ كادرلارمەن جۇمىس بولىمدەرىمەن تىعىز بايلانىس جاسايدى. بۇل رەتتە مىنا ماسەلەلەرگە باسىمدىق بەرىلەدى: لاۋازىمدى قىزمەتكە تاعايىندالعان مەملەكەتتىك قىزمەتكەرلەردى, ونىڭ ىشىندە العاش رەت مەملەكەتتىك قىزمەتكە قابىلدانعان ادامداردى وقىتۋعا قاجەتتى سۇرانىستى انىقتاۋ, مەملەكەتتىك ورگانداردىڭ كادرلارمەن جۇمىس جاسايتىن قىزمەتىنە مەملەكەتتىك قىزمەتكەرلەردى وقىتۋ, كاسىبي بىلىكتىلىگىن ارتتىرۋ جانە قايتا دايارلاۋ سەمينارلارى مەن كۋرستارىندا وقىتۋ ماسەلەلەرى تۋرالى كەڭەس بەرۋ.
قىركۇيەك ايى مەملەكەتتىك قىزمەتكەرلەردى وقىتۋ جۇيەسى ءۇشىن دە جاڭا وقۋ جىلىنىڭ باستالۋ كەزەڭى بولىپ تابىلادى. وسىعان بايلانىستى جاڭا وقۋ جىلى قارساڭىندا مەملەكەتتىك قىزمەت ىستەرى جونىندەگى اگەنتتىكتىڭ استانا قالاسى بويىنشا دەپارتامەنتىنىڭ باسشىسى تىلەگەن قاسكيننىڭ توراعالىعىمەن ەلوردادا جەرگىلىكتى اتقارۋشى جانە ايماقتىق مەملەكەتتىك ورگانداردىڭ كادرلار قىزمەتى ماماندارىمەن سەمينار-كەڭەس ءوتكىزىلدى. وندا پرەزيدەنت جانىنداعى مەملەكەتتىك باسقارۋ اكادەمياسىنىڭ قوسىمشا ءبىلىم بەرۋ ينستيتۋتىنىڭ ديرەكتورى گ ۇلىمجان سۇلەيمەنوۆا كۇن تارتىبىندەگى كەلەلى ماسەلەلەرگە كەڭىنەن توقتالا كەلىپ, ينستيتۋتتىڭ اتقارعان جۇمىستارىن دا سارالاپ ءوتتى. ماسەلەن, 2013 جىلدىڭ ءبىرىنشى جارتىجىلدىعىندا اتالمىش ينستيتۋتتا استانا قالاسىنىڭ ورتالىق مەملەكەتتىك ورگاندارىنىڭ ايماقتىق ءبولىمشەلەرىنىڭ جانە جەرگىلىكتى اتقارۋشى ورگاندارىنىڭ 300-دەن استام مەملەكەتتىك اكىمشىلىك قىزمەتكەرلەرىنىڭ وقۋى ۇيىمداستىرىلدى. 200-دەن استام ادام كاسىبي بىلىكتىلىگىن كوتەردى. بۇل وتكەن جىلدىڭ سايك ەس مەرزىمىمەن سالىستىرعاندا 88 ادامعا ارتىق. ارنايى وقۋ كۋرستارىندا 100-گە تارتا مەملەكەتتىك اكىمشىلىك قىزمەتكەرلەرى قايتا دايارلاۋ كۋرستارىنان ءوتتى. باسقا دا ءبىلىم بەرۋ قۇرىلىمدارىندا وتكىزىلگەن 70 سەمينار-كەڭەستەردە 97 ادام ءدارىس الدى.
مەملەكەتتىك قىزمەتكەرلەردىڭ ءبىلىمىن جەتىلدىرۋ جانە بىلىكتىلىگىن ارتتىرۋ ماسەلەسىندە مەملەكەتتىك ءتىلدى جەتىك مەڭگەرۋگە ەرەكشە كوڭىل بولىنەدى. ۇستىمىزدەگى جىلدىڭ ءبىرىنشى جارتىجىلدىعىندا مەملەكەتتىك ءتىلدى العاش ۇيرەنۋ, تۇراقتى جانە تەرەڭ وقۋ جونىندەگى 28 توپتا 228 مەملەكەتتىك اكىمشىلىك قىزمەتكەرلەرى ءدارىس الدى. ونىڭ ىشىندە 182 ادام جەرگىلىكتى اتقارۋشى ورگانداردىڭ, 46 ادام ورتالىق مەملەكەتتىك ورگانداردىڭ ايماقتىق بولىمشەلەرىنىڭ قىزمەتكەرلەرى بولىپ تابىلادى.
اتقارىلعان جۇمىستار بارشىلىق. دەگەنمەن الدا تۇرعان مىندەتتەر اۋقىمى دا زور. مەملەكەتتىك قىزمەتكەرلەردى وقىتۋ جانە قايتا دايارلاۋ جونىندەگى جاڭا وقۋ جىلى ماڭىزدى ءمىندەتتەر مارەسىمەن باستالدى. وعان مەملەكەت باسشىسىنىڭ ءۇستىمىزدەگى جىلعى تامىز ايىنداعى «قازاقستان رەسپۋبليكاسى مەملەكەتتىك قىزمەتكەرلەرىنىڭ كاسىبي بىلىكتىلىگىن ارتتىرۋ جانە قايتا دايارلاۋ ەرەجەسىن بەكىتۋ ءجونىندەگى» جارلىعىنان تۋىنداعان مىندەتتەر سەبەپ بولىپ وتىر.
مەملەكەتتىك قىزمەتكە العاش قابىلدانعان نەمەسە ەندى عانا باسقارۋشى قىزمەتىنە تاعايىندالعان ادامدار ءۇشىن بۇل وقىتۋ جۇيەسىنىڭ ماڭىزى زور. اكادەميادا جانە ونىڭ وڭىرلەردەگى مەملەكەتتىك قىزمەتكەرلەردىڭ كاسىبي بىلىكتىلىگىن ارتتىرۋ جانە قايتا دايارلاۋ ورتالىقتارىندا مەملەكەتتىك اكىمشىلىك قىزمەتتىڭ «ا» جانە «ب» كورپۋستارىنا ەندى قابىلدانعاندار ءۇشىن نەمەسە مەملەكەتتىك اكىمشىلىك قىزمەتتىڭ «ب» كورپۋسىنداعى باسشىلىق قىزمەتكە تاعايىندالعاندار ءۇشىن وقۋ جانە كاسىبي بىلىكتىلىگىن جەتىلدىرۋدىڭ ومىرشەڭ ماڭىزى بار. كادرلار وسى وقىتۋ ورتالىقتارىندا ءبىلىمى مەن بىلىكتىلىگىن كوتەرۋ ارقىلى وزدەرىنىڭ كاسىبي دەڭگەيلەرىن ودان ءارى شىڭداي تۇسەدى. قازىرگى كەزدە كادرلاردى قايتا دايارلاۋ مەرزىمى ۇزارتىلعان, اتاپ ايتقاندا, ول قىزمەتكە تاعايىندالعاننان كەيىنگى التى اي مەرزىم ىشىندە جۇزەگە اسىرىلادى. تاعى ءبىر اتاپ كورسەتەتىن ماسەلە, مەملەكەتتىك اكىمشىلىك قىزمەتتىڭ «ب» كورپۋسىنا ءبىرىنشى رەت قابىلدانعان قىزمەتكەرلەرگە قاشىقتىقتان وقىتۋ تەحنولوگيالارىن پايدالانۋعا مۇمكىندىك جاسالادى. بۇل مەملەكەتتىك قىزمەتكەرلەردىڭ ۋاقىتىن ۇنەمدەپ, بىلىكتىلىگىن ارتتىرۋعا مۇمكىندىك بەرەدى.
مەملەكەت الداعى ۋاقىتتا مەملەكەتتىك قىزمەت كورپۋسىنىڭ جوعارى كاسىبي بىلىكتىلىگىن ارتتىرىپ, جوعارى دەڭگەيىن ساقتاۋ ماقساتىندا قىزمەتكە كاسىبي ءبىلىمى مەن بىلىكتىلىگى جوعارى مامانداردى قىزمەتكە تارتۋعا مۇددەلى. بۇل رەتتە جاس ماماندارعا ەرەكشە نازار اۋدارىلادى. سوندىقتان مەملەكەتتىك قىزمەت كورپۋسىنىڭ بولاشاق ماماندارى جاستاردىڭ تاربيە جانە ءبىلىم دەڭگەيىنىڭ ساپالىق جوعارى دەڭگەيدە بولۋى ءۇشىن بارلىق جاعداي جاسالۋدا. مەملەكەت جوعارى كاسىبي بىلىكتى كادرلار دايارلاۋعا ەرەكشە نازار اۋدارىپ كەلەدى. وعان «بولاشاق» باعدارلاماسى, پرەزيدەنت جانىنداعى مەملەكەتتىك باسقارۋ اكادەمياسىندا اتقارىلىپ جاتقان كەشەندى شارالار جانە مەملەكەت باسشىسىنىڭ جوعارىدا اتالعان جارلىعى دالەل بولادى.
مەملەكەتتىك قىزمەتكەرلەر قوعامعا جانە حالىققا قالتقىسىز قىزمەت كورسەتۋدىڭ جوعارى ساپالىق دەڭگەيىنە لايىق بولۋى ءتيىس. قوعامدىق ءومىردىڭ بارلىق سالاسىنداعى مەملەكەتتىك ورگانداردىڭ وكىلەتتىلىگى مەملەكەتتىك قىزمەتكەرلەر ارقىلى ءىس ءجۇزىنە اسىرىلادى. حالىق مەملەكەتتىك قىزمەتكەرلەردىڭ ءبىلىمى مەن بىلىكتىلىگىنە, ورەسى مەن ءمادەنيەتىنە قاراي مەملەكەتتىك قىزمەت دەڭگەيىنىڭ ساپاسىن باعالايدى. سوندىقتان مەملەكەتتىك قىزمەتتىڭ تيىمدىلىگى مەن ساپاسى كادرلاردىڭ بىلىكتىلىگىنە تىكەلەي بايلانىستى.
گ ۇلىم ءابدىراحمانوۆا,
مەملەكەتتىك قىزمەت ىستەرى جونىندەگى اگەنتتىگى استانا قالاسى بويىنشا دەپارتامەنتىنىڭ ءبولىم مەڭگەرۋشىسى.