نۇر-سۇلتان قالاسىنىڭ دارىگەرلەرى اقمولا وبلىسىنىڭ ارنايى قىزمەت كورسەتۋ ورتالىعىنىڭ 7 ناۋقاسىن كوروناۆيرۋستان ەمدەدى.
ولار 7 ساۋىردەن باستاپ № 3 كوپبەيىندى قالالىق بالالار اۋرۋحاناسىندا ەم الدى. ناۋقاستاردىڭ اراسىندا 1927, 1933, 1944, 1955, 1961 جىلعى ايەلدەر مەن 1978, 1984 جىلعى ەر ادامدار بار.
پاتسيەنتتەر دارىگەرلەرگە كورسەتىلگەن مەديتسينالىق كومەك پەن قامقورلىق تانىتقانى ءۇشىن العىس ءبىلدىردى. سونداي-اق دارىگەرلەرگە ولەڭ جولدارىن ارنادى. ەلوردادا كوروناۆيرۋستى جۇقتىرۋدىڭ 433 جاعدايى تىركەلدى, 207 ادام ىندەتتەن ساۋىقتى.