جامبىل وبلىسىنىڭ ت.رىسقۇلوۆ اۋدانىندا تالاي جىلدان بەرى شەشىمىن تاپپاي كەلە جاتقان ماسەلەلەر بار بولاتىن. ءتىپتى اۋداننىڭ ورنەك اۋىلدىق وكرۋگىنە قاراستى ءابجاپار اۋىلىنداعى اۋىز سۋ ماسەلەسى دە تالاي رەت كوتەرىلگەن.
ال, تالاي جىلدان بەرى لاي سۋدى تۇندىرىپ ءىشىن وتىرعان اۋىل تۇرعىندارى اۋىز سۋ ماسەلەسىنىڭ ەڭ ۇلكەن ماسەلە ەكەنىن كەزىندە ايتقان ەدى. تالاي مارتە سىن ساداعىنا ىلىنگەن اۋىلدىڭ اۋىز سۋ ماسەلەسى بيىل وڭ شەشىمىن تاپتى. «بيىل اۋدانداعى 8 ەلدىمەكەنمەن بىرگە ءابجاپار اۋىلىنىڭ حالقى دا تازا اۋىز سۋمەن قامتىلاتىن بولادى. ەكى جىل بويى ۇزدىكسىز جۇرگىزىلگەن جۇمىستىڭ ناتيجەسى شىقتى», دەيدى ت.رىسقۇلوۆ اۋدانىنىڭ اكىمى ەربولات سادىرقۇلوۆ.
ول اۋدانعا اكىم بولىپ كەلگەن كۇننەن باستاپ-اق بۇل ماسەلەنىڭ ءوزىنىڭ نازارىندا بولعانىن ايتتى. بۇگىندە بۇل ماقساتقا ءتيىستى قاراجات ءبولىنىپ, ءابجاپار اۋىلىنىڭ سۋ قۇبىرى قۇرىلىسىنىڭ جۇمىسى باستالىپ كەتكەن. كونكۋرس ناتيجەسىندە مەردىگەر «تارازيرريگاتسيا» جاۋاپكەرشىلىگى شەكتەۋلى سەرىكتەستىگى اتالعان اۋىلدا اۋىز سۋ قۇرىلىسىنىڭ جۇمىسىمەن اينالىسادى. ال, اۆتورلىق قاداعالاۋشى «ليدەرپروەكت» جشس. بۇگىندە اۋىل ىشىندە اۋىز سۋ قۇرىلىستارىنىڭ جۇمىسى باستالىپ كەتكەن. «داۋلى ماسەلەگە نۇكتە قويىلدى. اسا ۇلكەن پروبلەماعا اينالعان اۋىلدىڭ وزەكتى ماسەلەسى – تازا اۋىز سۋدىڭ ءار اۋلاعا كىرۋىنە جەتەر كۇن دە الىس ەمەس», دەگەن اۋدان اكىمى ەربولات سادىرقۇلوۆ سالا باسشىلارىمەن بىرگە ءابجاپار اۋىلىنا بارىپ, مەردىگەر كومپانيانىڭ باسشىلارىمەن كەزدەسكەنىن جەتكىزدى.
جامبىل وبلىسى