«ب» كاتەگورياسىنداعى فيلمدەردىڭ كورولى سانالاتىن 94 جاستاعى رودجەر كورمان ەكى مينۋتتىق فيلمدەرگە فەستيۆال جاريالادى دەپ حابارلايدى gazeta.ru سايتى.
فەستيۆالعا كەز-كەلگەن ادام قاتىسا الادى. تۇسىرگەن ءفيلمىنىڭ ۋاقىتى ەكى مينۋتتان اسپاۋى كەرەك. الداعى ەكى اپتا كولەمىندە رودجەر كورمانعا جولدانۋى ءتيىس. سوسىن قورىتىندىسى شىعارىلىپ, ەڭ ۇزدىك فيلمدەر رەجيسسەردىڭ جەكە سايتىنا جانە الەۋمەتتىك پاراقشاسىنا سالىنادى. جالپى, جەڭىمپازدارعا كورماننىڭ اتىنان سەرتيفيكاتتار مەن سىيلىقتار تاپسىرىلادى.
«سىزدەردى ۇيلەرىڭىزدەن شىقپاي, دەنساۋلىقتارىن كۇتەدى دەپ ۇمىتتەنەمىن. ءبىز ايەلىم ەكەۋمىز دە ۇيدەمىز. وسى كۇندەردە سىزدەرمەن بىرگە جاڭا بىرنارسە جاساۋدى ۇيعارىپ وتىرمىز. ءبىز ۇلى رەجيسسەرلەردى ىزدەيمىز. «وسكار» جەڭىپ العان ادامداردىڭ كوبى جۇمىسىن مەنىمەن بىرگە باستاعان»,-دەيدى كورمان جەكە پاراقشاسىندا.
راسىندا فرەنسيس فورد كوپپولا, مارتين سكەرسەزە, دجەك نيكولسون, پيتەر فوند, دجەيمس كامەرون, سونداي-اق, تيمۋر بەكمامبەتوۆ سياقتى اتاقتى رەجيسسەرلەر مەن اكتەرلەردىڭ مانسابى كورمانمەن ارىپتەستىكتەن باستالعان.