جۋىردا سولتۇستىك قازاقستان وبلىسىنىڭ اكىمى قۇمار اقساقالوۆ تىكەلەي ەفير ارقىلى بريفينگ وتكىزىپ, حالىققا وبلىستاعى بۇگىنگى احۋال تۋرالى بايانداپ بەردى. الدىمەن ول اتى جامان ىندەتكە قاتىستى سوڭعى دەرەكتەردى ايتا كەلىپ: «بۇل ءبىزدىڭ ءجىتى جۇمىس ىستەپ جاتقانىمىزدىڭ ناتيجەسى. مەن ىندەتپەن كۇرەسىپ جاتقان مەديتسينالىق قىزمەتكەرلەردىڭ بارىنە تاعى دا العىسىمدى بىلدىرەمىن», دەدى.
اكىمنىڭ ايتقان سوڭعى جاڭالىقتاردىڭ ءبىرى – قاتارىندا كاسىپورىندار مەن مەكەمەلەر ءوزىنىڭ وندىرىسكە اسا قاجەتتى ماماندارىن اۆتوبۋستارمەن جەتكىزەتىنى ايتىلدى. ال اۆتوبۋستا ادامدار ءبىر-بىرىنەن الىس وتىرۋ ءۇشىن جارتىلاي عانا تولىقتىرىلادى. سالوننىڭ ۇنەمى دەزينفەكتسيالانۋى تالاپ ەتىلەدى. كاسىپورىندار مەن مەكەمەلەردىڭ كىرەبەرىسىندە مىندەتتى تۇردە الىستان انىقتايتىن تەرمومەترلەر بولۋى كەرەك. ىستىعى ءسال كوتەرىلگەن ادام بولسا, جۇمىسقا جىبەرىلمەيدى. سونىمەن قاتار وسىنداي تەرمومەترلەرمەن بارلىق سۋپەرماركەتتەر جاراقتاندىرىلۋى كەرەك. ىستىعى بار ادام دۇكەنگە كىرگىزىلمەيدى, تەك تاماقتى الىپ كەلۋگە تاپسىرىس بەرە الادى.
قۇمار اقساقالوۆ ايتقان ەرەكشە جاڭالىقتىڭ ءبىرى – جەرگىلىكتى «رادۋگا» جشس دەزينفەكتسيانى اۆتوماتتى تۇردە جۇرگىزەتىن قۇرال جاساي باستاپتى. مۇنداي كونسترۋكتسيالار ۇلكەن گيپەرماركەتتەر مەن سۋپەرماركەتتەردىڭ كىرەبەرىستەرىنە ورناتىلماق.
سونداي-اق اكىم «ساياجايعا شىعامىز», ء«يتىمىزدى دالاعا قىدىرتامىز» دەگەن تىلەكتەرىڭىزدى ازىرگە قويا تۇرۋلارىڭىزعا تۋرا كەلەدى», دەپ تۇرعىندارعا ەسكەرتتى. «قازىر پوليتسياعا كەڭەيتىلگەن وكىلەتتىلىك بەرىلگەن. سوندىقتان ولار ەشتەڭەگە قاراماي, تۇتقىنداۋ نەمەسە ايىپپۇل سالۋ شارالارىن ءجيى قولدانۋدا. ەسكەرتۋدىڭ ۋاقىتى وتكەن», دەدى اكىم.
سولتۇستىك قازاقستان وبلىسى