«كورشى حاقىسى ءتاڭىر اقىسى» دەگەندەي, ىرگەدەگى قوستانايدان قيىن ساتتە كومەك كەلۋى كوكشەتاۋلىقتاردىڭ كوڭىلىن دەمدەپ تاستادى.
دەزينفەكتسيالاۋعا ارنالعان كولىكتەردىڭ كوكشەتاۋدا تاپشى بولۋىنا بايلانىستى قوستانايلىقتار قول ۇشىن سوزىپ, كومەك كورسەتۋدە. اتاپ ايتقاندا, قوستاناي قالاسىندا قۇراستىرىلعان «شەۆرولەت لابو» كولىكتەرى ايماقتاعى كوروناۆيرۋس ىندەتىنە قارسى زالالسىزداندىرۋ جۇمىستارىنا پايدالانىلماق. قوزعالتقىشى مەن قوسالقى بولشەكتەرى دە قازاقستاندا جاسالعان.
– جالپى 10 كولىك ساتىپ الۋ جوسپارلانعان. قازىر ونىڭ تورتەۋى جەتكىزىلدى. تاعى التاۋىن الامىز. سىيىمدىلىعى 800 تەكشە مەتر, شاعىن جانە ىڭعايلى. كوشەلەر مەن تۇرعىن ۇيلەردىڭ اراسىن دەزينفەكتسيالاۋعا ارنالعان كولىكتەر وتە قاجەت,–دەيدى «كوكشەتاۋ سۋ ارناسى» كاسىپورنىنىڭ باس ديرەكتورى ەرمەك ومىرعاليەۆ.
دەزيفەكتسيالاۋعا ارنالعان 10 كولىكتىڭ العاشقى تورتەۋى وبلىس ورتالىعىنا جانە قالعان التاۋى ىندەت وشاعى تاراعان اۋداندارعا جىبەرىلمەكشى. وبلىس ورتالىعىن دەزينفەكتسيالاۋ شارالارى 25-ءشى ناۋرىزدا باستالعان. بۇعان «تازالىق» كوممۋنالدىق كاسىپورنىنان بىرنەشە تەحنيكا مەن جۇمىسشىلار جۇمىلدىرىلعان.