ەلىمىزدە دەنە مۇشەسىنىڭ دەرتكە شالدىعۋى سالدارىنان ءومىرى قىل ۇستىندە تۇرعان, ناقتى ايتقاندا, اعزاسىن اۋىستىرۋعا مۇقتاج جاندار سانى 5 مىڭعا جەتتى. بۇل تۋرالى Gazeta.kz حابارلادى.
ءبىر ازامات جۇرەك اۋىستىرعىسى كەلسە, ال كەلەسى بىرەۋى باۋىرعا, بۇيرەككە ءزارۋ. وسىعان بايلانىستى ەلىمىزدە 2014 جىلدان باستاپ دونورلار ءتىزىمى جاسالاتىن بولىپ ۇيعارىلدى. وندا ءار ادام ەرىكتى تۇردە دونور بولۋ ءۇشىن قالالىق ەمحانالاردىڭ بىرىنە تىركەلە الادى. سونىمەن بىرگە, بۇل جۇيە ەلەكتروندى ۇكىمەت سايتىنا دا ەنگىزىلەدى. ال ترانسپلانتولوگيا ورتالىعى قاجەتتى ساراپتامالار جاساپ, ورگانداردى اۋىستىرۋ قىزمەتىن ۇيىمداستىرادى.
الداعى مەرزىمدە وتاندىق ترانسپلانتولوگتار بالتىق ەلدەرىمەن ورگان الماسۋ تۋرالى شارت جاساسۋدى جوسپارلاپ وتىر. مۇنداي قادام دونورلىق ورگاندار كەڭىستىگىن ۇلعايتىپ, بىرنەشە ادامنىڭ ءومىرىن ساقتاپ قالۋعا مۇمكىندىك جاسايدى.
باقىتبەك كەنەش ۇلى.