الەمدەگى ەڭ ۇزدىك جاس فۋتبولشى – رودريگو گوەس

ۇزدىكتەر كوشىن ءمادريدىڭ «رەالىنىڭ» شابۋىلشىسى رودريگو گوەس باستاپ تۇر. كورولدىك كلۋب 19 جاستاعى برازيليالىق جاس دارىندى بىلتىر «سانتوستان» 45 ميلليون ەۆروعا ساتىپ العان بولاتىن. 2019 جىلدىڭ 25 قىركۇيەگىندە «وساسۋناعا» قارسى وتكەن ويىننىڭ 71 مينۋتىندا ۆينيسيۋس جۋنيوردى الماستىرعان ول الاڭعا شىققان بەتتە دوپتى توردا تۋلاتىپ, بىردەن ميليونداعان كورەرمەننىڭ كوزايىمىنا اينالدى. وسىلايشا, رودريگو ءححى عاسىردا تۋعان «رەالدىڭ» ويىنشىلارى اراسىنان العاشقى بولىپ گول سوقتى. ال سول جىلدىڭ 6 قاراشاسىندا چەمپيوندار ليگاسىنداعى ىستامبۇلدىڭ «گالاتاسارايىمەن» وتكەن كەزدەسۋدە برازيليانىڭ جاس ورەنى حەت-تريك اۆتورى اتاندى. بۇگىنگى تاڭدا ايتۋلى فۋتبولشى يسپانيانىڭ پرەمەر-ليگاسىندا ورەلى ونەرىمەن كوزگە ءتۇسىپ قانا قويماي, ءوز ەلىنىڭ ۇلتتىق قۇراما كومانداسى ساپىندا دا ءوزىن جاقسى قىرىنان كورسەتۋدە.  

سونىمەن قاتار, «توپ-10» جاس ويىنشىنىڭ قاتارىنا انسۋ فاتي («بارسەلونا»), مەيسون گرينۆۋد («مانچەستەر يۋنايتەد»), رەينەر («رەال مادريد»), ەدۋاردو كاماۆينگا («رەنن»), گابريەل مارتينەللي («ارسەنال»), لي كان ين («ۆالەنسيا»), مۇحاممەد يحاتتارەن (پسۆ), تاكەفۋسە كۋبو («رەال مادريد») جانە رايان گراۆەنبەرح («اياكس») سىندى سايىپقىراندار ەندى.