بۇگىن قىزىلوردا وبلىسىندا تاعى 3 ادامنان كوروناۆيرۋس بەلگىلەرى تابىلدى. وسىعان بايلانىستى وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدىسامەتوۆ باق وكىلدەرىنە جاعدايدى بايانداپ بەردى.
وسىدان 2 كۇن بۇرىن وبلىستا ۆيرۋس جۇقتىرعان العاشقى تۇرعىن انىقتالعان بولاتىن. كەلەسى, ياعني, 29 ناۋرىز كۇنى سول ناۋقاس قارالعان ەمحانا مەدبيكەسىنىڭ بويىنان ۆيرۋس بەلگىلەرى تابىلعانى بەلگىلى بولعان.
– ال بۇگىن تىركەلىپ وتىرعان 3 ادامنىڭ ءبىرى سول العاشقى ناۋقاسپەن قارىم-قاتىناستا بولعان. ەكىنشى ازامات 20-ناۋرىزدا اقش-تان كەلگەن ەكەن. بويىنان ۆيرۋس بەلگىسى تابىلعان ءۇشىنشى تۇرعىن اۋرۋحاناعا قىزىلشادان ەمدەلىپ جاتقان. تاڭعى ساعات 7:30-دا لابوراتوريالىق زەرتتەۋلەر قورىتىندىسىن الىسىمەن ولار وبلىستىق جۇقپالى اۋرۋحانالار اۋرۋحاناسىنا جاتقىزىلىپ, ەم-دومى باستالىپ كەتتى. ولارمەن قارىم-قاتىناستا بولعاندار ناقتىلانىپ جاتىر, – دەدى وبلىستىڭ باس دارىگەرى.