مۇنداي پىكىردى باسقا ەمەس, بيولوگ مامان ايتىپ وتىر دەپ حابارلايدى egemen.kz ءتىلشىسى ريا نوۆوستي-گە سىلتەمە جاساپ.
بيولوگيا عىلىمدارىنىڭ دوكتورى, GMU جۇيەلى بيولوگيا مەكتەبىنىڭ (اقش) پروفەسسورى انچا بارانوۆانىڭ ايتۋىنشا, الدىمەن ىندەت جۇقتىرعانداردىڭ سانى ەڭ جوعارعى كورسەتكىشكە جەتۋى كەرەك, سودان سوڭ ول شامامەن 10 كۇنگە سوزىلاتىن ۇستىرتكە تۇسەدى دە, كەيىن جۇقتىرعاندار سانى بىرتىندەپ ازايا باستايتىن كورىنەدى. الايدا ىندەتپەن كۇرەسۋشى كارانتين شارتتارىن ساقتاۋى قاجەت.
بيولوگ ماماننىڭ سوزىنە سەنسەك, اقش-تا ۆيرۋس جۇقتىرعانداردىڭ سانى ءتىپتى شىڭعا جەتپەي جاتىپ يتاليادا ءۇستىرت كەزەڭى باستالىپ كەتكەن ەكەن.
«قازىر بىزدە جوعارىلاۋ كەزەڭى, ياعني اۋرۋعا شالدىققاندار سانى كۇن سايىن ءوسىپ جاتىر. ءۇستىرت – بۇل كەزەڭ ىندەت جۇقتىرعاندار كورسەتكىشى باسەڭدەگەن كەزەڭ. ءبىز ءبىراز ۋاقىت ءۇستىرت كەزەڭىندە بولامىز, سودان كەيىن ىندەت ازايا باستايدى»,– دەيدى انچا بارانوۆا.